Assunta dili pa gihapon mabdos

Nahibalik na dinhi sa nasud ang magtiayong Assunta de Rossi ug Rep. Jules Ledesma gikan sa ilang three-week vacation sa Europe ug pagduaw pod nila sa mga ginikanan sa nahauna didto sa Italy.

Tsika sa PangMasa, palpak ang laraw nila nga mag-umol og anak kay matud pa ni Assunta nalingaw sila og sige og laag. Matud ni Assunta nga bahala na ang Ginoo tungod kay nasayod siya nga makabaton ra gyud sila og anak ugma damlag.

Kaduha gikasal sila si Assunta ug Jules. Una sa civil wedding nila niadtong December 14, 2002 sa hacienda sa mga Ledesma sa San Carlos City Negros Occidental. Ang ikaduha, church wedding niadtong March 14, 2004 sa Santuario de San Antonio sa Forbes Park, Makati.