Young stars inilog gayud sa probinsya

Walay lain gikagubtan karon sa mga probinsya kun dili mga young stars . Kini maoy na-obserbasyon sa beteranang kolumnista sa PangMasa Manay Cristy Fermin kinsa nag-host og programa alang sa fiesta sa Hagonoy, Bulacan.

Lakip sa nipasundayag niadtong Domingo sa gabii sa nahisgutan nga probinsya mao sila si Sandara Park, Joseph Bitangcol, Aldred Gatchalian, Yexel Sebastian ug ang iyang grupo nga mga dancers, si Cogie Domingo ug ang bida sa Alamat ni Pedro Penduko nga si Matt Evans.

Si Yexel Sebastian nga karelasyon ni Iwa Moto ang niabli sa show.

Si Yexel kanhi miyembro sa Streetboys, busa bisan wala na siya sa grupo makita gihapon nimo sa iyang mga lihok ang pagka-miyembro sa tropa, maayong mosayaw si Yexel.

Dihang gipangita sa iyaha sa mga tawo didto si Iwa tubag ni Yexel dunay taping.

Dihang gipangutana hain na si Sexbomb Rochelle nga kanhi niya uyab, igo lamang siya mikatawa.

Pagkahuman sa sayaw sa grupo ni Yexel namarayeg ang mga tawo nga pasayawon pod siCogie Domingo,nga alang sa wala masayod, maayo pod kaayo moikid-ikid ug gani kaya kaayo niyang sun-on ang mga sayaw ni Michael Jackson.

Niadtong naa sa elementary pa si Cogie sa Brent siya ang pirming saligan sa mga sayaw-sayaw, daghang litrato ang ulitawo niadtong pirmi siyang mahimong pambato sa ilang klase sa mga programa sa eskuwelahan, patahi-an pa siya og mga bisti nga parehas kang Michael Jackson sa iyang Mommy Zennie.

Pero karong ulitawo na siya kalit lang nahimong manggiuwawon si Cogs, dili siya ganahang ipakita ang talent niya sa pagsayaw.

Si Lovi Poe ang gipangita didto kang Cogie sa mga taga-Sto. Nino tubag niya, "Nagtatrabaho po siya, may taping."

Samtang bisan dili na kaayo pirming makita sa telebisyon sila si Joseph ug Sandara, apan gikagubtan gihapon sila. Matud sa himantayon, dako gyud og natabang sa duruha ang Star Circle Quest niadto.

Sama sa naandan na sa duruha, nagpailog gihapon sila og posters ingon man pictures nila atol sa nahisgutang show.

Sunod nilang mi-perform mao si Aldred Gatchalian nga confident kaayong mikanta og live. Matud ni Manay Cristy diriyot pa mahulog sa entablado si Aldred tungod kay gitabangan siya og bira sa mga fans nga babaye.

Ang makapahimuot ni Aldred, suma pa ni Manay Cristy mao nga wala kini arte,mag-ilis bisag asa, mokaon siya kung gutumon siya ug pirmi lang nagngisi.

Dungan niini gibutyag ni Manay Cristy nga ang gikagubtan gyud og maayo sa mga tawo mao si Matt. Pagtungtong pa lang niya sa entablado, saba na kaayo ang mga tawo nga naninggit og 'Pedro Penduko."

Gihulagway ni Manay Cristy nga mapaubsanon si Matt, tinai, tiil ulo ug dugo sa manok.

"Sa Antipolo po ang taping namin ng Pedro Penduko, bago po ako tumuloy sa Boso-Boso sa location namin, bumibili na muna ako sa Antipolo ng mga barbecue dahil wala kang mabibilhan ng pagkain sa bundok.

"Yun po ang ibinabaon ko sa set, isaw, tokneneng, paa ng manok, lahat po yun, kinakain ko. Lumaki kasi ako sa mga ganung pagkain, kaya hanggang ngayon po, yun pa rin ang binibili ko," tug-an ni Matt ngadto ni Manay Cristy.

Rocker si Matt ug sinati kaayo niya ang hapit tanang rock bands.