Kim dili pa pwede makauyab

Gitin-aw ni Kim Chui nga dili pa gyud sila uyab ni Gerald Anderson ug nga ang iyang daddy maoy magbuot kanus-a siya mahimong makig-relasyon.

Tsika ni Kim ngadto sa PangMasa nga sa pangidaron niyang 16-anyos dili gyud mahimo nga mag-uyab-uyab siya kay mao kini kagustuhan sa iyang amahan ug agree siya niini.

Dili mutuo ang kadaghanan nga "close friends" ra sila ni Gerald tungod kay sa ilang mga eksena sa "Sana Maulit Muli" lahi gyud ang lihok sa ilang mga mata.

"Peks man," pong pa ni Kim. "Friends lang talaga kami ni Gerald."

Hinoon wala itago ni Kim nga nakauyab siya dinhi sa Cebu apan nagbuwag sila few weeks sa wala pa siya mosalmot sa Pinoy Big Brother Teen Edition.

Matud niya si Gerald ang maisip nga labing suod niya nga lalake pagkakaron.

Pwes feel ba niya nga moresulta ngadto sa paghigugmaay ang ilang closeness karon? "Hindi ko po alam," tubag ni Kim ngadto sa PangMasa. "Pero, matagal pa ho 'yon. Agree po ako sa Daddy ko na sa trabaho ko muna ako mag-concentrate."