Kini maoy pangutana sa mga himantayon sanglit padung pa gani isalida ang bag-ong pelikula ni Toni, You Got Me, diin kauban niya si Sam Milby ug Zanjoe Marudo, aduna na pod siyay gibalita sa presscon para sa You Got Me nga aduna na poy giandam nga usa pa ka pelikula para kaniya ug ni Vhong Navarro ang Star Cinema.
Hinoon, ikapanghambog gyud nga hot property si Toni. Ang duha ka mga pelikula nga gihimo niya ug napagawas na (D'Another kauban si Vhong, and You Are The One kauban si Sam) mikita gyud og dako sa takilya.
Gilauman nga mamahimong box-office pod ang You Got Me, considering nga di lang kini balik-tambalan nila ni Sam, kung dili introducing pod dinhi si Zanjoe. Gawas pa, ang direktor sa You Got Me nga si Cathy Garcia-Molina, mao poy nag-direk sa You Are The One.
Bisan sa TV(ABS CBN), very visible gyud si Toni. Mosamot pa gyud kini kung sugdan na ang Pinoy Big Brother (PBB) second season. Sigurado gyud nga si Toni gihapon ang mamahimong main host sa maong programa.