'Magic Kamison' taas ang rating

Nakaginhawa si Gladys Guevarra human gipangutana siya ug si Program Director Rams David atol sa presscon sa "Magic Kamison," kung mapalukapa ba nila ang back-to-back Sunday drama sa ABS-CBN, ang "Your Song" nga sa first episode gidubdob ang love team nila ni Kim Chiu ug Gerald Anderson ug sa "Love Spell" episode nga "Click to Click" gibandera pod ang real sweethearts nga silang Diether Ocampo ug Kristine Hermosa?

Pwes makatulog nga maghayang si Gladys tungod kay taas ang rating sa "Magic Kamison," 18.5% samtang ang "Your Song" nakakuha og 11.4% ug ang "LoveSpell" nihipos og 11.7%.

Ang episode sa "Magic Kamison" diin sila si Alfred Vargas, Nadine Samonte ug Iwa Moto makita sulod sa upat ka Domingo, sa direksyon ni Khryss Adalia.