Hale: Musika Gikan sa Kahiladman

Sa bag-ong henerasyon sa mga kabatan-onang mahiligon sa kalingawan, pipila lang ka mga artist ang nagpabilin sa tumoy sa kabantog sa wanang sa showbiz, diin walay puas ang pagbayaw ug paghangop sa ilang mga supporters. Usa na niini ang Hale-ang bandang nagpauso sa mga kantang nikumot sa atong mga kasing-kasing ug nagpaila sa gitawag nga "melodrama-rock".

Ang Hale gilangkuban sa upat ka mga batan-ong puno sa talento nga sila Champ Lui-Pio (vocals), Roll Martinez (guitar), Sheldon Gellada (bass) ug ni Omnie Saroca (drums). Ang mga kantang "The Day You said Goodnight" ug "Broken Sonnet" maoy nagpaila sa ilang katakos isip mga musikero ug nagpabidlisiw sa ilang bitoon sa nataran sa musikang Pinoy.

Niadtong hapon sa selebrasyon sa Sinulog-January 21, eksklusibong nahinabi sa Banat Hugyaw ang bandang giidolo sa kadaghanan ilabi na sa mga batan-on ning atong henerasyon, sa mismong hotel diin sila nag-pahimutang una pa sila ningdiritso sa usa ka mall show nga gipahigayon sa SM City Cebu aron magpromote sa ilang bag-ong album nga "Twilight".

Ang Hale, usa ka termino nga gikutlo sa dictionary nga nagpasabot og "sound in body." Si Champ mismo ang mipili niini tungod kay matod pa niya, "everything that comes out from us like our music is from within. It's from the ideas and emotions coming from within us."

Human natukod kaniadtong June 2004, diretso na nga nagmabulokon ang karera sa Hale niadtong 2005 tungod sa ilang mga komposisyon nga naka kabig sa romantikong kasing-kasing sa mga Pinoy nga ilang tipaminaw. Ang ilang mga kanta nakakuha og mga ganti gikan sa lain-laing prestihiyosong institusyon ug kini usab nanganawkanaw sa kahanginan. Bag-ohay pa lang, nadawat nila ang 2006 Awit Awards Best Ballad para sa kantang "The Day You Said Goodnight" ug ila usab nadag-an ang People's Choice Award isip Favorite Band. Nakuha pud nila ang 2006 MTV Pilipinas Video Music Awards Best Pop Video para sa kantang "Kung Wala Ka."

Ang ilang self-titled debut album nga "Hale" nakasold-out og 90, 000 nga kopya niadtong May 2006. Ug karon, ang ilang ikaduhang album nga "Twilight" nakasold-out na dayon og 15, 000 nga kopya niini palang October 2006 human kini gipagawas.

Matod pa sa Hale, dako ang kalahian karon sa ilang ikaduhang album kini tungod kay mas collective ilang effort sa pagbuhat niini. "Nagstart talaga kami from scratch. But unlike the first album, mas sound namin ito ngayon." Dugang pa ni Roll, lahi na og atake ang album nila karon tungod kay kini dili na sobra ka "melodramatic." "Hindi na siya heavy at gumagamit ng malalalim na words and figures of speech. Hindi na exaggerated ang thought. Literal na ang album namin ngayon. What you see and hear is what you'll get."

Tungod sa ilang katakos, daghan ang nabuang kanila hilabi na ang mga kababayen-an dili lang tungod sa ilang musika kon dili tungod na pud sa ilang pagkaambongan. Apan, bisag gitawag og "pogi-rock" sa ubang himantayon ang ilang musika, wala nagpaapekto ang banda. Matod pa gani nila," para sa amin, bonus na lang yun. Basta kami, we're working hard on doing our thing and we're just enjoying it. For those who just want to criticize, it's just fine; kasi it doesn't really matter. It's all up to the people to decide."

Pareho sa kalibotan sa showbiz, dili pud kalikayan ang mga intriga sa sulod sa natad sa musika ug ang Hale wala pa gihapon nakalingkawas sa "awayan" nga isyu tali kanila ug sa atong paisanong banda nga Cueshe. Apan kini gihimakak nila ug matod pa kining isyu walay basehanan. "We're OK! Wala naman eh. It's just part of showbiz. But we really think it's bias to compare us and our music 'coz we are really different. Unfortunate lang talaga siguro na sabay kaming lumalabas sa mga shows at nagkaroon ng maling connotation ang mga tao. Pero we really have nothing against them naman," matod pa ni Roll.

Ang gitawag nilang "rockstars" karon maoy gihinganlan og "demi-gods" ning henerasyon ug tungod sa kasikat, dili pud kalikayan nga makadawat sila og way samang atensyon gikan sa mga tigsuporta. Apan para sa Hale walay makatupong sa kalipay nga ilang nabati nga mapadungog ug mapaabot sa mga tigpaminaw ang ilang kanta. Pasabot pa ni Roll, "the good thing about being in a band is yung nalalaman nung mga tao ang kanta mo and you even see them singing it. Kaya nafefeel mo na hindi lang pala ikaw yung nakakaramdam nung ganun at marami din palang mga tao na nalulungkot at sumasaya. Yung thought na nakaka-connect ka sa kanila sa kantang gawa lang sa bedroom namin ay ang galing talaga."

Luyo sa ilang mabulokong karera, wala gipasagdaan sa Hale ang ilang personal nga relasyon sa tagsa-tagsa. "We talk about things, if there is a problem or anything; kasi when you stop talking dun nagkakaproblema. So we talk so much as long as possible. We are not just bandmates, we're like brothers too," matod pang Champ.

Makadaghan na nga gipaambit sa Hale ang ilang musika dinhi sa Sugbo apan excited gihapon sila nga ningtukar para sa ilang mga Cebuano fans. Pong pa nila , ispesyal nga lugar para kanilang tanan ang Cebu tungod kay dinhi sila unang nag "out-of-town gig" kaniadtong nagsugod pa sila. "Dati sabi nila Cebuanos daw are hard to please; so it's a good feeling na they get to appreciate our music. Pag nakikita namin yung crowd dito parang kilala na talaga nila kami."

Karong bag-ong tuig, nagpaabot ang Hale nga mapahigayon ang ilang labing unang US Concert Tour ug naghuwat pud sila nga makapagawas og usa ka international album sama sa ubang mga banda.

Ang ilang album nga nag-ulohan og "Twilight" mapalit pa gihapon sa tanang record stores sa tibook Pilipinas. Kini gilangkuban sa ilang mga bag-ong kantang: " Waltz," ug "Hide and Seek." Para makaapil sa ilang mailing list i-add lang ang [email protected]. "Hale for all, all for Hale!"