Matt nag-sorry ni Sunshine

Buot mangayo og dispensa ni Matt Evans ngadto ni Sunshine Dizon sa nahitabong "miscommunication" tali sa masig ka kampo atol sa Dinagyang Festival sa Ilo-ilo City niadtong weekend.

Una na nga namahayag si Sunshine sa 24 Oras niadtong Lunes sa gabii nga sa tibuok niyang kinabuhi isip artista, kadto pa siya kasuway nga gibastus samtang nagtrabaho.

Ang nahitabo mao nga unang mikanta si Sunshine. Nasayran nga dunay sabot ang ABS-CBN ug GMA-7 nga isal-ot-sal-ot na lang ang ilang performers sanglit nagdali ang mga taga Kapamilya nga makabalik sa kauluhan.

Suma pa nga usa ka kanta pa lang ang nahuman ni Sunshine, ug duna pa untay ikaduha apan kalit nga nag-thank you ang host ug gitawag si Matt.

Pagtungtong ni Matt sa entablado diha pa si Sunshine nga napugos na lamang pagkanaug.

Apan si Matt nga nahinabi sa PangMasa niingon nga dili niya tuyo nga bastuson si Sunshine.

"Malayo po kasi sa kinalalagyan namin ang stage. Hindi nga po namin alam kung sino ang kumakanta at kung sino na ang tinatawag. Tinawag na lang po ako ng staff ng Dinagyang at sinabing ako na raw ang susunod," pasabot ni Pedro Penduko.

Matud ni Matt nga mokanaug unta siya pagkakita niya ni Sunshine apan wala na siyay nahimo tungod kay miwara-wara na sa ilang kamot ang mga tawo ug mitawag na niya.

"Pagkatapos po ng number ko, gusto ko po sanang kausapin si Sunshine pero nakaalis na sila," dagdag pa ni Matt.

Subli niyang giklaro nga dili gyud niya intensyon nga bastuson si Sunshine.

"Bakit ko naman po gagawin 'yun?" paniguro pa niya.

LJ ug Alfred cool-off una

Kakuwang sa oras alang sa usag-usa ang nahimong hinungdan sa panagbuwag nila ni Angel Locsin ug Oyo Boy Sotto. Karon ang mao gihapong rason maoy hinungdan sa cool-off period nila ni LJ Reyes ug Alfred Vargas.

Daghan ang nahibulong, ang uban giusikan, sanglit kuyog pa silang duruha nga nagsaulog sa Pasko didto sa New York.

Tsika sa PangMasa nga presscon sa "Magic Kamison" diin sila si Alfred, Nadine Samonte ug Iwa Moto ang unang makita, takot nga magul-anon si Alfred.

Gitin-aw ni Alfred nga mutual decision nila ni LJ ang mag-cool off ug walay third party busa dili tinood nga nagselos ang Starstruck princess sa leading lady ni Alfred sa "Muli", si Carrie Lee.

Ang sitwasyon mao nga busy si LJ sa taping sa "Makita Ka Lang Muli" sa TAPE, Inc. ug sa studies niini sa De La Salle University.

Sunod-sunod usab ang taping ni Alfred alang sa "Muli" tungod kay kinahanglan na nga mopauli ni Carrie sa Malaysia karong adlawa.

Hinoon mobalik ang maong Malaysian aktres karong Feb 6 alang sa todo na nga promo sa maong soap.

Giklaro ni Alfred nga bisag cool-off sila ni LJ paningkamotan niya nga magkabalik sila.

"I don't want to lose her completely," pong pa ni Alfred. "Masasaktan ako pero wala akong magagawa kung may manliligaw na iba sa kanya dahil wala akong karapatan. Ako, hindi ko pa kayang manligaw sa iba, masyado pang maaga."