Deal or No Deal ibalik sa Hulyo

Karong Pebrero 23 na ang last airing sa "Kapamilya Deal or No Deal" ni Kris Aquino.

Gipaneguro sa tinubdan sa PangMasa nga final na ang maong desisyon ug wala nay mahitabong extension.

Kahinumduman nga makadaghan na nga nabalita nga hunungon na ang maong show, apan tungod sa hangyo sa publiko kanunay kini nga nalugwayan.

Nasayran nga kinahanglan nga mupahulay na si Kris tungod kay nagkadako na ang iyang tiyan ug kinahanglan na niya nga magmatngon sa iyang lihok.

Dili unta ganahan si Kris nga buhian ang maong show kay pwede pa man siyang mag-show hangtud nga moabot ang panahong manganak na siya.

Pero ang mga staff nga concerned niya ang nagsulti nga papahulayon una siya kay kinabuhi na ang gi-istoryahan niini. Nabalaka ang staff nga simbako dunay dili maayong mahitabo ni Kris, sila pa ang mabasul.

Sa Mayo na manganak si Kris ug kumpirmadong mobalik na usab ang KDOND sa Hulyo.