Dennis dili magkontrabida

Apil gyud diay unta si Dennis Trillo sa "Asian Treasure" pero wala mahinayon tungod kay matud sa tinubdan sa PangMasa dili maayo ang role niini alang sa estado karon sa aktor.

Kini tungod kay ang papel ni Marvin Agustin ang gitandi ngadto ni Dennis, kontrabida ug supporting role lamang busa gibalibaran sa manager sa aktor, si Popu Caritativo.

Daghan usab ang miuyon nga husto ang gibuhat ni Dennis sanglit anaa siya karon sa tumoy na nga bahin sa iyang kabantog ug sayo pa aron mag-kontrabida.

Pero di ba kontrabida man ang iyang role sa "Super Twins"?

"No, bida-kontrabida siya sa "Super Twins" at napakaganda ng role," daling tubag sa tinubdan sa PangMasa.

Sa "Super Twins" si Dennis lang ang lalaki nga bida ug dunay nindot nga twist ang iyang character.