Mommy ug daddy ang parayganay

Mommy ug daddy ang tawganay nila ni Paolo Contis ug Isabel Oli.

Suma pa ni Isabel nga ang pagkakomedyante ug kamatinud-anon ni Paolo maoy iyang nagustuhan niini, samtang si Paolo miingon nga ang pagka-simple ra ni Isabel maoy nakakabig niya, sanglit walay arte sa lawas ang dalaga.

Third time na nila nga magkauban sa usa ka show pinaagi sa Atlantika pero wala silay kissing scene dinhi niining maong project sanglit gipahungaw nila ang pagmahal pinaagi sa pagluwas sa usag-usa, diha sa story.

Walay kalibutan si Paolo kun mabut-an ba ang iyang character isip Piranus inighuman unya sa Atlantika karong Pebrero 9. Gitug-an niya nga siya diay ang nawala nga anak ni Gardo Versoza sa story.

Naglibog usab ang character ni Isabel nga si Alona, tungod kay naglibog kini kun makig-alayon ba nila ni Aquano (Dingdong Dantes) o sa iyang inahan, si Celeste (Jean Garcia).