Vina buot nang makaanak

Nalingaw og maayo si Vina Morales sa taping niya sa bag-ong ABS-CBN teledrama, Maria Flor de Luna. Dugay naman gud sab siya nga wala makaarte atubangan sa camera sanglit busy siya sa live concerts here and abroad.

Namatay diretso ang character ni Vina isip ang tinood nga inahan sa bida, apan wala kini niya igsapayan sanglit dako niyang kalipay nga makauban ang mga banggiitang artista sama nila ni Eula Valdez, John Estrada ug Albert Martinez.

"Working with them was already a very rewarding experience," mapahiyumon si Vina. "Kahit ilang days lang kami nagkasama, it was more than enough upang ipaalala sa akin na masarap umarte sa harap ng camera."

Hinoon kanunay man nga makita ang iyang character tungod kay daghan kini og flashback scenes.

Pagkakaron busy na usab si Vina alang sa repeat sa iyang malampuson nga solo concert nga Showgirl sa Pebrero 24, sa Araneta Coliseum.

"Maraming mga bagong production numbers na idinagdag," pagtin-aw pa ni Vina ngadto sa PangMasa. "Pero meron din naman kaming mga tinanggal. Ang sigurado higit kayong mag-e-enjoy sa bagong edition ng show."

Of course matud niya, naa gihapon ang Kama Sutra suite nga maoy gipakpakan og maayo sa mga nakakita.

"Kahit nahirapan ako sa Kama Sutra, sulit na sulit naman sa mainit na pagtanggap ng audience," malipayon niyang pahibawo.

Human sa Araneta Coliseum dinhi na usab sa Sugbu makita ang Showgirl sa Waterfront Hotel, Cebu City sa Marso 3.

"We are from Bogo which is a two-hour trip from Cebu City," paghinumdum pa ni Vina. "Sino ba naman ang makakapagsabi na nandito ako at sumikat sa Metro Manila at nagtatanghal sa iba't ibang bansa?"

Kumbinsido si Vina nga destiny niya ang iyang naabot karon. Ug posibli usab nga destiny niya ang magpabiling single. Hinoon wala niya ilimod nga malipayon siya sa iyang current boyfriend, bugtong anak na lang gyud ang kuwang.

"Yes, I'm willing to have a baby out of wedlock," sagot agad ni Vina sa maraming nangungulit. "Kung ito ba talaga ang aking destiny bakit hindi. Kung darating sa buhay ko ang ganito, maluwag sa loob kong tatanggapin."