Mother Lily love gihapon si Rustom

Most requested diay si Mother Lily Monteverde aron mo-guest sa radio program ni DJ Mo, ilabi na dihang namahayag si Rustom Padilla nga plastic ang Regal matriarch.

Apan si Mother Lily nga nahinabi sa PangMasa sa presscon sa "The Promise" miingon nga dili siya mo-guest tungod kay dili maayo nga intrigahon ang mga artista.

Gani naluoy man siya ni Rustom sanglit gikontrahan kini og maayo karon tungod sa iyang mga pamahayag sa nahisgutang radio program.

Matud ni mother nga love gihapon niya si Rustom ug gani ipagawas naman sa Regal ang "Happy Hearts" karong February 14 diin apil si Rustom.

Post Valentine presentation na lamang ang maong movie sanglit ang "The Promise" nila ni Angel Locsin ug Richard Gutierrez na ang ilang Valentine presentation.