Belib sad kono siya ni Pekto

Before anything else, happy birthday ngadto sa giilang promo queen sa Kabisay-an ug Mindanao, kay sugod raba diay karong adlawa nga mag-birthday siya, ang labing nindot konong regalo nga iyang dawaton mao nag katungdanan isip promoter na sad sa Star Records busa, sa ato pa, siya na unya sad ang mag-promote sa mga CD, VCD ug mga DVD ug unsa pa na diha nga mga produkto sa Star Records labi unya sa coming album ni Jay-R Siaboc ug sa iyang grupo nga Scrambled Eggs. Yessed mga manash, wa niya biya-i ang banda nga Scrambled Eggs. Iyang dad-on uban sa iyang kadaugan, mao nay iyang saad niadtong nakigkulukadidang siya sa mga sakop sa media uban sa iyang manager nga nagkagwapa nga si Mario Coliminares nga ilado sad nga designer nga miingon nga ang pag-manage og talent (siya sad kuno ro'y nag-manage ni Chad Berdein sa Starstruck), susama ra sad sa pag-design, didto sa Yo Latino dili pa lang dugay. Pero balik tang Josie S.

Pereyra nga pila na lang gyud ka tuig ang atong iphon, ma-senior citizen na sad (wa mosakit imong hawak, mam?), excited na sad siya sa sunod nga movie nga iyang gi-promote, human sa kalampusan sa "Kasal, Kasali, Kasalo." Ang maong movie nag-ulohan og "Agent X44" ang movie nga gi-popularize kaniadto sa giilang best dressed actor sa iyang panahon, si Tony Ferrer (amahan nilang Mutya Crisostomo ug Maricel Laxa),pero lahi kuno ni ron, kay sambugan man og comedy. Challenge gyud kuno ang maog movie alang sa bida nga si Vhong Navarro, ang usa sa mga sakop sa Streetboys nga mao na tingali ang labing ilado og in demand (among others, Spencer Reyes, Danilo Barrios ug award winning character actor Jhong Hilario). Miingon sad siya nga may paglahi ang iyang matang sa komedya kay sa komedya ni Pekto, pero belib sad siya ni Pekto nga usa ka Sugbuanon. "Basta naman may lahing Bisaya, mahusay talaga, tingnan lang ninyo si Vic Sotto, di ba napakahusay?"