Good girl Erich

Sa edad nga 16-anyos, feeling ni Erich nga bata pa kaayo siya nga mahigugma apan wala niya ilimod nga sa mubong panahon naka-mutual understanding (MU) niya si DM Sevilla nga nakauban niya sa SQC (Star Circle Quest) apan karon matud pa niya ngadto sa PangMasa tinuod nga wala siya'y uyab o bisan gani nanguyab.

Matud sa actress nga concentrate siya karon sa iyang showbiz career ilabi na nga nabantayan ni Erich nga full support kaniya ang Star Magic (talent arm sa ABS-CBN ug Star Cinema) diin under contract siya niini.

Sa iyang bag-ong soap nga "Sana Maulit Muli" kontrabida ang role ni Erich ug para niya usa kini ka challenge.

"Sa tunay na buhay naman po kasi, mabait ako. Pero, sa role ko bilang Camille sa Sana Maulit Muli, di lang ako mataray, mang-aagaw pa ako ng boyfriend ng may boyfriend. Naku sa tunay na buhay ho, wala akong balak magkaroon nga boyfriend na may girlfriend na" ni Erich pa.

Apan enjoy siya sa paggama sa soap tungod kay nahatagan siya og higayon nga makauban ang beteranong actor nga si Tonton Gutierez, Glydel Mercado ug Mickey Ferriols.

Ang Sana Maulit Muli ipasundayag karong Lunes Enero otso.