KC-Lino romance, Paris with love chuva

Mailhan nga nagsulti sa tinuod si Erich Gonzales dihang mideklara kini nga walay romansa ang nahitabo nila ni direktor Lino Cayetano.

Kung miduaw man siya ni direk Cayetano sa ospital dihang nasakit ang nahisgutan, kini tungod kay nahimo niyang direktor si Lino sa duha ka teleseryeng iyang gibuhat nga mao ang "Mga Anghel na Walang Langit ug Calla Lily".

Bag-o lang mibuto nga buwag na si Lino ug Bianca Gonzales sa wala matinong hinungdan.

Si Direk Cayetano na link karon sa anak ni Sharon Cuneta nga si KC Concepcion.

Sosyal ang nahimong gamot sa romansa, kung matawag man ugaling nga romansa ang nagpatakdo sa duha.

Nasayran sa PangMasa nga nagkakita ang duha sa Paris sa France diin si KC nagtungha ug si direk Lino nagbakasyon sa maong nasud ug sukad niadto ug hangtud karon ang duha nagpabiling close.

Adunay mga balitang mikuyanap nga kadaghan nang nag-date si direk ug KC dinhi sa Pilipinas tungod kay si KC nagbakasyon karon sa iyang pagtuon gikan sa Paris.

Bagay si KC ug Lino

Nakita sa showbiz reporter sa kaulohan nga angayan si direk Lino ug KC diin gawas nga pareho silang mga good looking, pareho usab og gitas-on sa barog.

Ug aduna usab silay one thing in common, usa na niini ang pagbaton nila og mga amahan nga Senador apan ang kang KC stepfather lang nga si Kiko Pangilinan ug si direk anak sa mitaliwan nang si kanhi Senador Rene Cayetano.

Si direk aduna usab kini igsuon nga senador nga si Atty. Pia Cayeteno.