Giharos sa KKK

Sama sa gipaabot sa kadaghanan nanghakot og pasidungog didto sa Aliw Theater ang pambato sa Star Cinema ang Kasal, Kasali Kasalo atol sa "Gabi ng Parangal" alang sa Metro Manila Film Festival 2006 niadtong milabay nga gabii.

Check ang mga nagdahunog nga mga panagna kay si Judy Ann Santos gayud ang midaog isip Festival Best Actress alang sa nahisgutang Star Cinema movie diin gipildi niya sila si Zsa-zsa Padilla sa Zsa-zsa Zaturnnah, Angel Locsin sa Mano Po 5 ug Gretchen Barreto sa Matakot ka sa Karma.

Kahilakon si Juday samtang midawat sa iyang tropeo ug dihang mibatbat na siya sa iyang victory speech, tataw kaayo nga nagsugod na pagtubod ang mga luha sa ngilit sa iyang mga mata.

Gipasamalatan niya ang mga taga Star Cinema nga misalig kaniya lakip na si direk Joey Reyes, apan labaw nga gihugyawan ang iyang panapos nga linya nga nagkanayon, "Di ko po magawa ng maayos ang pag-arte ko kung di dahil kay Ryan (Agoncillo)."

Natuman usab ang panagna alang ni Ms. Gina Pareño isip Festival Best Supporting Actress. Gi-roll call ni Gina ang iyang mga liwat, dayong pasalamat sa tanang misalig kaniya ilabi na ni Juday, nga matud pa niya maoy nangusog aron siya maoy mahimo niining inahan sa Kasal, Kasali Kasalo. Ang opening line ni Gina mao nga, "Mas masarap ang manalo sa iyong sariling bayan," ug gitapos niya ang iyang victory speech pinaagi sa pagpaambit sa iyang familiar line sa pelikula, "take it or leave it? Leave it!" Dinhi namakpak og maayo ang mga tawo.

Ania ang ubang mga midaog atol sa "Gabi ng Parangal:

Festival best actor - Cesar Montano (Ligalig, CM Films)

Festival best supporting actor - Johnny Delgado (Ligalig, CM Films)

Best picture - Enteng Kabisote 3 (Octo Arts Films)

Best director - Joey Reyes (Kasal, Kasali, Kasalo, Star Cinema)

Best screenplay - Kasal, Kasali, Kasalo

Best original story - Kasal, Kasali, Kasalo

Best theme song - Hawak Kamay (Yeng Constantino, Kasal Kasali Kasalo)

Gat Puno Antonio Villegas Cultural Award - Kasal, Kasali, Kasalo

Most Gender Sensitive Film - Kasal, Kasali, Kasalo

Best child actor - Nash Aguas (Shake Rattle & Roll, Regal Films)

Best cinematography - Charles Peralta (Mano Po 5)

Best editor - Jason Cahapay (Ligalig)

Best musical Score - Mon de Guzman (Mano Po)

Best Float - Tatlong Baraha (M-Zet Films)

Best Make -Up Artist - Baby Lucero (Tatlong Baraha)

Male Star of the Night - Ryan Agoncillo (Kasal, Kasali, Kasalo)

Female Star of the Night - Sunshine Cruz (Ligalig)