Lingi-on ta ang kagahapon

Happy New Year mga KaBISCHIKA! Kadali ra gyud sa panahon noh? As in murag gahapon lang nga nagpaila ko ninyo isip KaBISCHIKAdor sa Banat Hugyaw pinaagi sa BISCHIKA- Bisayang Chika! Pero mahuman na ang tuig nagkuyog gihapon ta! Ug maghinaut ko nga daghan pang tuig nga inyo kong kuyugan diri sa Banat Hugyaw! Mapasalamaton kaayo ko sa Banat Hugyaw management labi na kang Ryan Mark sa pagsalig kanako nga makahatag ko og mga showbiz chika para sa mga Bisdak natong mga suki nga nagsunod niining maong section. Gikan sa kinahilagmang bahin sa akong kasingkasing, DAGHANG SALAMAT!

Ug karon nga nangandamay namo para sa 2007 nga hilabihang kadaghan gyung nagpaabot nga swerte para ninyo, well, panahon usa para mag-unwind 'ta ug atong balikan ang mga maanindot nga panghitabo sa natad sa showbiz.

Dili mahuman ang tuig kung dili ninyo masaksihan ang mahitabo sa inyong show karong Domingo kay "Oi! SHOW NATO NI!" Among giandam ang "Best of Oi!" nga mga episode para ninyo. Oi! Korek mga Kabischika! Atong balikon ang mga makaukay, makalingaw, ug makahugyaw nga mga panghitabo sa Oi! Gikan sa mga dagkong artista nga mibisita sa atong Oi! Tambayan hangtud sa mga ngilngig natong mga Kapusong Cebuano nga nagpakita pud sa ilang mga talento. O, di ba? Busa ayaw ninyo kini sipyata, pagkahuman sa Kay Susan Tayo ug sa dili pa mag S.O.P.

Ug agig pagtak-op sa atong Bischika 2006, atong saw-an paglab-as ang napulo ka mga artista nga dili nako makalimtan sa panahon nga ako silang nahimamat. Para nako, da-best sad gyud sila kay mitatak gyud sa akong alimpatakan ang pagtubag nila sa akong mga pangutana. Ug for sure gusto pud mahibaw-an sa atong mga suki nga nagsunod sa Banat Hugyaw Bischika kung nganong da-best sila para nako.

* Yasmien Kurdi - My first celebrity interview for Oi! As in super nice ug "Charming" kaayo siya. Ug sa dihang nagkita mi og balik diri sa Cebu, na-remember gyud ko niya. And she will always remember daw my beauty. hehehehehe

* Katrina Halili - Dili pa siya ang labing seksi sa FHM Magazine kaniadto pero medyo sexy na ang iyang dating. May pagka-maldita ug gutsy kung motubag sa mga pangutana pero otherwise true to herself man siya ug kini ang importante.

* Maui Taylor - Wala ko mag-expect sa iyang image nga super sexy pero in person super sweet diay 'to ug take note mga Kabischika dili pa gyud arte kay bisag init kaayo sa dressing room nga among gi showhan, wala siyay pakialam, game gihapon kaayo.

* Maureen Larazabal - Maayo siya modala sa iyang mga katrabaho. Bisan milakaw dayon siya pagkahuman sa show namo sa usa ka barangay, iya gyung gipabalik ang iyang P.A. para pahatdan mi og pizza isip pasalamat niya sa Oi! Ug di sad siya limtanon ha kay sa dihang nagkita mi sa SM Cagayan for a show, iyang na- remember ang akong beauty. Beautiful gyud cguro ko noh? hehehehehe

* Jennylyn Mercado - Dili kaayo tigsulti kung dili pa magsugod ang interview pero during sa interview na nako niya sa Oi! dili gyud siya mahutdan og tubag sa tanan nakong pangutana.

* Polo Ravales - Usa ra gyud ang akong masulti, "papalicious" gyud kaayo! hahahahahaha!

* Dion Ignacio - Down to earth nga pagkatawo kini si Dion hilabi na tungod kay sweet kaayo kini motubag sa mga pangutana nako. Murag na in-love ko...Unsaon?! Ug take note, iyang gikanta ang akong favorite song sa dihang nagkantahanay mi sa balay nga among gipamistahan diha sa Talisay.

* Arnel Ignacio - Daghan ko og nakat-unan sa usa ka gabii nga nagkakuyog mi, not only sa iyang showbiz life but also sa iyang personal life and akong nahibaw-an nga how much he really values his health.

* Maricel Soriano - Ingon sila, diamonds daw are girls best friend, no wonder daghan kaayo ang ganahan sa diamond star nga si Maricel Soriano kay but-an siya, way arti ug mapahiubsanon pud. Sama sa usa ka diamond, gasidlak-sidlak sad gyud ang iyang kamaayo. Bow gyud ko sa diamond star!

* Sharon Cuneta - Kung ni bow ko sa diamond star, SUPER bow gyud ko ni Megastar!

Mga Kabischika, daghang salamat usab sa pagsunod ninyo sa Banat Hugyaw Bischika ug laumi ninyo nga sa umaabot pang tuig daghan pang showbiz chika ang akong idalit para lang ninyo kay diri sa Bischika kining tanan libre! Happy New Year!