Buboy gibalibaran unta ni Sunshine

Kadaghan na balibari ni Sunshine Cruz ang iyang role sa pelikung "Ligalig" sa CM Films.

Gawas sa pagka-line producer, siya usab ang nahimong female lead sa pelikula kinsa gi-direk sa iyang bana nga si Cesar Montano.

Matud ni Sunshine nga dili na niya himuon pa ang pelikula kay basin og mahimo lang siyang package deal ni Buboy ug angayang laing artista na lang ang kuhaon para masentro niya ang iyang pagka-line producer.

"Nag-suggest nga ako kay Buboy na either sila Angelica Panganiban or si Anne Curtis ang kunin for the role of Trixie. Pero parehong hindi available 'yung dalawa. Kaya wala akong choice kundi gawin na lang kasi nga minamadali na ito ni Buboy para sa Metro Film Festival" ni Sunshine pa.

"First time akong madirek ni Buboy na ganito ka-intense. Unlike noon sa pelikulang Bullet, medyo maingat siya sa akin. Dito sa Ligalig, aba pinagagalitan ako kapag hindi ko makuha 'yung gusto niya!" asoy ni Sunshine nga nagkatawa.

Matud ni Sunshine nga nahimuot siya sa iyang bana tungod kay lahi na kini karon, mas milawon na karon si Buboy isip direktor, mao nga bisan og nag-away sila sa set, nakahibawo ang actress nga trabaho lang gyud ang tanan.

Human sa take adunay kiss ug hug si Buboy gikan ni Sunshine ug proud kaayo kini sa iyang bana...Remake sa Viva movies

Gipakpakan sa mahimantayon ang teasers sa tulo ka bag-ong shows sa GMA-7 nga "Lupin" nila ni Richard Gutierez, Rhian Ramos ug Katrina Halili; ang "Super Twins" nila Jennylyn Mercado, Nadine Samonte ug Dennis Trillo; ug ang "Asian Treasures" nila Robin Padilla, Angel Locsin, Marvin Agustin, Diana Zubiri ug Marky Cielo.

Unang ipasundayag ang "Asian Treasure" karong Enero 15 sunod tuig ug gikatakda kining ipuli sa naghinapos na nga "Captain Barbell" sa Enero 12.

Apan daghan na ang nagpaabot kung kanus-a ug asa nga timeslot ipasundayag sa GMA-7 ug kinsa ang mogama sa lima ka nindot nga pelikula sa Viva Films nga ipasundayag sa telebisyon.

Ang mga pelikula mao ang "Dapat Ka Bang Mahalin" nila ni Sharon Cuneta ug Gabby Concepcion; "Saan Darating Ang Umaga" nila ni Nida Blanca ug Maricel Soriano; "Sinasamba Kita" ni Vilma Santos ug Lorna Tolentino; "Kung Mahawi Man Ang Ulap" ni Christopher de Leon ug Hilda Koronel; ug ang "Gaano Kadalas Ang Minsan" nila ni Vilma Santos, Dindo Fernando ug Hilda Koronel.