Enteng Kabisote, nag-una

Nag-una gihapon ang "Enteng Kabisote 3" ni Vic Sotto base sa text message nga nadawat sa PangMasa kagahapon gikan sa MBC (Manila Broadcasting Corporation) nga maoy nagduma sa Metro Manila Film Festival 2006.

Suma pa nga as of 5pm niadtong Dec. 25, sa 185 ka sinehan sa SM Cinemas, labing gidumog ang "Enteng Kabisote 3", nagsunod ang "Kasal, Kasali, Kasalo", ikatulo ang "Shake, Rattle and Roll 8" fourth ang "Mano Po 5: Gua Ai Di", ikalima ang "Super Noypi", ika-unom ang "Zsa Zsa Zaturnnah Ze Moveeh", ikapito ang "Matakot Ka sa Karma," ikawalo ang "Ligalig" ug anaa sa katapusan nga slot ang "Tatlong Baraha".

Apan miingon ang mga movie critics nga mausab pa ang trend gikan sa 6th to 9th slot, apan mas daghan ang nagtuo nga hayan dili na matarog ang EK3 ni Vic diha sa number one slot.

Gikatahong sa opening day pa lang, mikita na ang EK3 og close to 20M, labing dako nga gross so far ni Bossing sa first day.

Hinungdan nga karon pa lang, nanimaho na ang victory party sa EK3. Kung dili mausab ang standing, for four consecutive years si Vic ang mogunit sa korona isip top-grosser sa MMFF hinungdan nga siya maoy undisputed Box Office King.

Ang EK3 produksyon sa MZET/Octoarts, sa direksyon ni box-office director Tony Y. Reyes.

Juday-Ryan nadawat na

Gimingaw ang mga fans ni Judy Ann Santos kaniya, hinungdan nga kusog ang KKK. Kini usab ang gihatag nga obserbasyon sa mga kritiko nga midugang pag-ingon, taud-taud na nga wala makita si Juday sa big screen.

Ang labing uwahi niya nga full-length movie niadto pang Enero, 2006 via "Don't Give Up On Us" with Piolo Pascual.

Pwes si Juday ang opening and closing movie sa Star Cinema for this year, ug pareho nga gitay-og sa mao niyang mga movies ang box-office.

Hinungdan nga daghan na ang mibilib ni Juday tungod kay bisan kinsa pa ang iyang partner sa movie, dugokon gihapon siya sa iyang mga fans. Miingon ang mga kritiko nga ang kakusog karon sa KKK timailhan nga nadawat na sa publiko si Ryan Agoncillo isip reel and real life partner ni Juday.