Merry Christmas to everyone!!!

Merry Christmas mga kabischika! Pila na lang ka-oras ato nang saulugon ang adlaw'ng natawhan sa atong Manunubos. For that! Mag-una-una gyud ta og celebrate ana, kay sa Oi! karong adlawa idalit namo ninyo ang among Merry Party episode.

Since Christmas is said to be for the children, tagaan nato'g Merry Party ang mga kids. Nindot kaayo pamati-on nga makahatag ta og kalipay sa mga bata dili lamang pinaagi sa mga materyal nga butang, kun dili sa paghatag usab kanila'g igong pagtagad ilabi na this time of the year.

Magpakita sa ilang kalibre sa pagsayaw ang mga kiddie dance groups sama sa Freelanze ug Flinstone dancers. Pang-world class sa biritan usab ang otso anyos nga si Jessa Mae Abaquita ug si Christian Niño Luy, makigbirit sila with no less than the World Champion, Ms. Rizza Navales. Winner usab sa acting ang atong mga childstars all the way from Manila, ang gimahal sa tanang GMA Telebabad viewers, Bakekang kids, Krystal ug Charming! What can be more merrier than seeing all these kids do their thing? Busa sa mga youngsters nato diha, ug sa mga young at heart, maki-Merry Party with your Oi! Barkada before SOP.

Gifted Princess Charming

Mura gyud ko'g nitan-aw pagbalik sa TV sa usa ka-episode kaniadto sa Bakekang, sa dihang gi-reenact nilang Krystal ug Charming sa Oi! ang usa ka-eksena sa gi-ingong telebabad show.

Kung nakahinumdom mo ug na-carried away sa hinilakay adtong episode nga natagak gikan sa punuan si Krystal ug napasanginlan si Charming nga maoy hinungdan sa pagkadisgrasya sa nag-una, mura gyud og maka-relate mo sa moment sa Oi! Bakekang Acting Challenge. Diin ang duha maoy unang nagpakita sa ilang kamaayo sa pag-arte nga maoy basihan usab sa mga pairs of challengers.

Gifted gyud kining mga bataa kay pwerte gyu'ng dalia makapagawas sa ilang mga luha daw gripo. Dili lang na, kay paspas usab ang ilang memorya, sultian lang nimo kausa sa ilang script, memorize dayon ang ilang mga linya. Unsa kaha'y gipangaon aning mga bataa no? Listo gyud kaayo.

"First time po namin dito sa Cebu" dungan sa pagtubag ang duha ka-cute gyud nga mga bata. Pag-abot nila sa hotel, gikan sa airport, magtuo ka nga magluya ning mga bataa ug muyamar nga mangligid una sa ilang mga kwarto aron mopahuway. Pero ang sunshiny attitude sa duha ang napatigbabaw kay all out smiles ug tight hugs gyud dayon ang ilang gi-offer sa mga nisugat, naghuwat kanila sa hotel lobby. Nakigchika pa sila bahin sa ilang biyahe padulong dire sa Cebu, diin ni-angkon si Charming nga first time pa niini nakasakay og eroplano. After pila ka minutos nga pakighugoy-hugoy nila sa mga tawo, niyamar og pagkaon si Krystal, ug Internet sad ang gipangita ni Charming.

Otso anyos pa lang si Charming o Eunice Lagusan in real life. Sa iyang linghod nga pangidaron, walay pagduha-duha nga gisulod ang industriya sa showbiz diin naga-demand gyud og oras ang trabaho. Isog usab nga nitungha sa maong panginabuhi ang 10 anyos nga si Krystal o Jolina Marie Reyes. Dili nimo malalis ang ilang gugma sa pag-arte, kay sukad pa sauna, hilig na gyud sa mga bata ang maong kalibutan. Pareho nga adunay gi-idolo sa showbiz ang duha, usa kini sa rason nganong agresibo sa trabaho ang mga chikiting. "Idol ko po si ate Jolina Magdangal, kasi mapagbigay." Maoy istorya ni Krystal bahin sa iyang kapareho'g pangan nga celebrity. "Crush ko po si Richard Gutierrez." Mao usab ang pag-angkon ni Charming bahin sa iyang idolo.

Nalingaw gyud ko mga kabischika sa duha ka chikiting. Kung maminaw gud ko nila magtabi sa bisan unsa lang nga ilang i-istorya, gaan gyud akong feeling. Kay kining mga bataa, gawas sa gifted sa talento, they have the purest heart, just like any other kids.

Starstruck Attack

Murag dugdog gyud ang pitik sa akong heart last week sa Starstruck. From 38 believers nga nipasundayag sa ilang talento tagsa-tagsa within 30 seconds, only 30 survived from the fangs of Starstruck jurors.

Karong gabii, Christmas Eve, kinsa kahay maganahan muhungit sa ilang Noche Buena later on? Kinsa usab kahay mag-fasting ani karon? Tutukan nato ang announcement sa Final 14 sa Starstruck The Next Level. Fingers-crossed for our Bisdak believers; Chad Burden, Hazel Uy (from Cebu), ug Rich Uy (Bohol).