Angel, mag-kuya ni Robin

Taud-taud na usab nga nagsugod ang taping sa duha ka mga bitoon nga sila si Angel Locsin ug Robin Padilla sa GMA-7 nga "Asian Treasure" diin sila maoy lead casts sa maong teleserye. Interesado karon ang mga tawo nga makahibalo kon nanguyab na ba si Robin ni Angel sanglit naila usab si Binoe nga "matinik sa chicks".

Apan gihimakak kini ni Angel ug matud pa niya sama lamang sila og magsuon, gani Kuya Robin ang tawag niya sa aktor ug si Robin usab "Iha" ang tawag niini kang Angel Locsin.

Pwes anak diay ang pagtan-aw ni Robin kang Angel. Igo lamang mipahiyom si Angel agig tubag.

Hinuon miingon si Angel nga nabatyagan na niya ang pagkamapinanggaon ni Robin. Asoy niya nga dihang nakit-an siya ni Binoe nga naglingkod sa sawog gitagaan dayon siya og bangko aron makalingkod siya og tarong.

"Ganun siya sa lahat, sobrang maasikaso," asoy pa ni Angel ngadto sa PangMasa

Makita si Angel karong umaabot nga Pasko sa mga sinihan tungod kay usa sa mga silida nga iyang gibidahan entry man sa Manila FilmFest ug kini mao ang "Mano Po 5:Gua Ai Di" diin partner niya si Richard Gutierrez.

Hangyo sa producers

Mihatag og letter of request ngadto sa National Cinema Association of Producers ang mga movie outfit nga dunay entry sa Metro Manila Film Festival '06, lugwayan ang pagpasalida sa tanang mga pelikula karong umaabot filmfest.

Sila si Orly Ilacad sa Canary/OctoArts Films, Malou Santos sa Star Cinema, Lily Y. Monteverde sa Regal ug si Violeta Sevilla sa Violet Films milagda sa maong letter of request agig pag-awhag nga hangtod sa Enero 7 ang katapusang adlaw sa pagpasalida. Sa mga nakalabay nga filmfest kutob ra Enero 3 ang showing sa tanang entries.

Apan napanlantawan na sa mga producers nga hinay ang kita sa Dec 31 tungod kay busy na ang katawhan sa pagpangandam alang sa bag-ong tuig busa mas maayo kon lugwayan ang showing date aron usab sila makabawi sa gasto. - Gia Racal

Geneva ug KC minyo na gyud diay

Dugay na diay nga gitago nila ni Geneva Cruz ug ni KC Montero ang ilang kaminyuon tungod kay ang tinuod niadto pa silang 2004 nagpakasal.

Si KC na mismo maoy mibutyag niini tungod kay nasakitan siya sa mga negatibong isyu nga gibato karon ngadto sa iyang asawa.

Matud ni KC, nangayo usab siya og dispensa ngadto ni Kempee de Leon, human nanghimakak ang naulahi sa pangankon ni Geneva nga nagka-one night stand sila kaniadto.

Matud pa ni KC nga no big deal alang kaniya ang maong isyu tungod kay six years ago pa kini nahitabo, niadtong panahona wala pa siya sa kinabuhi ni Geneva.