Press people, gipanumboy ni Mother Lily

Nakugang ang pipila ka showbiz people sa kauluhan gumikan sa nahitabo sa beterano nang entertainment columnist nga si Atty. Billy Balbastro.

Tsika sa PangMasa nga samtang mitan-aw si Billy sa pelikulang Gigil. Human sa show, giduol siya og staff sa Regal Films aron panguyoon ang iyang reaksyon nga hayan I-apil unta sa TV plugs alang sa movie.

Nagdumili si Billy tungod kay sa tinuoray lang wala niya magustohi ang Gigil. Dili usab siya buot nga manaway kay naglikay siya nga makapasakit og mga tawo. Bisag giunsa og pugos, mibalibad si Billy.

Ambot og unsay bersyon sa maong hitabo ang miabot sa dunggan ni Mother Lily Monteverde nga diretso man niya nga gisulong si Billy samtang nagkaon sulod sa usa ka restaurant.

"Don't you know that the money we spent to produce movies and to pay for what you eat and the money we give as PR, came from hard earned money," suma pa nga maoy litaniya ni Mother Lily ngadto ni Billy.

Suma pa nga bisan og unsa na lay gisulti sa nahisgutang producer apan wala motingog si Billy. "Kung puwede lang isuka ko ang kinain ko doon at ibalik sa isang pinggan kay Mother, ginawa ko ito," angkon pa ni Billy ngadto sa PangMasa.

Matud niya nga wala na lang siya motingog tungod kay tataw man gayud nga wala mokita ang Gigil ug gani P600, 000 ra ang kita niini sa opening day.

Geoff-Nikki, dili uyab pero 'hawak-kamay'

Hugtanong gipanghimakak ni Geoff Eigenmann ang balitang sila na karon ni Nikki Gil. Kini bisan pa og nakit-an silang nagholding hands atol sa usa ka event.

Matud pa niya ngadto sa PangMasa nga "closest of friends" ra silang duruha apan iya hinoong giangkon nga dako kaayo siya og gusto ni Nikki ug nangulitawo siya niini karon.

Komento sa PangMasa nga swerte si Nikki tungod kay sa usa ka interview ni Geoff nga kung mangasawa na siya, sigurohon niya nga hangtud sa hangtud na ang ilang relasyon dili sama sa nahitabo sa iyang mga ginikanan nga sila si Michael de Mesa ug Gina Alajar.

Nagbuwag ang duruha, Si Michael gikatahong dunay kapuyo karon nga dancer samtang si Gina nangita usab og uyab kon dili man future husband.

Sa usa ka interview usab, si Gina namahayag nga malipayon siya karon sa iyang kinabuhi kauban ang iyang tulo ka mga anak. Gani gikatahong hapit na siya makabaton og apo.

Tsika sa PangMasa nga ang iyang kinamaguwangan nga si Ryan bisan og dili pa kasado dunay kapuyo karon nga sa balay na ni Gina nagpuyo.

Sama ni Geoff, going strong usab ang career ni Ryan, diin ag latest project niya karon mao ang datu usab nga bestfriend ni Sam Milby sa top-rated teleserye, Maging Sino Ka Man.