Abt ur luv

Wala pa musantop sa hunahuna ni Valeen Montenegro nga artista na siya tungod kay hangtud karon magsakay pa gihapon siya og MRT matag adto niya sa ABS-CBN.

Sa "pocket interview" nila sa iyang loveteam nga si Aldred Gatchalian, medyo na-late siya tungod kay gikan sa tunghaan niyang Sacred High School in Paramaque City, misakay pa siya og MRT with her yaya. Tungod kay nagdali sila, nag-taxi na sila aron mas dali nga muabot, apan kon okay pa iyang sked, matud pa niya nga mag-jeep gyud siya.

Hinungdan nga mapasalamaton siya ni Aldred tungod kay duna na kini car ug tungod kay duol ra man ang ilang gipuy-an, ihatod siya niini sa gate sa Merville Subdivision basta magdungan ang ilang taping.

Nan dili kaha sila madevelop kon ingon niini na sila kasuod? Pareho nga 16 ang ilang edad, busa miingon si Valeen nga career lang una ang ilang priority. Mipahiyom usab si Aldred tungod kay matud pa niya, anggid og nawong si Valeen sa iyang ex-gf.

"Dimples" ang tawag niya ni Aldred tungod kay cute matud pa ang dimples niini. Nakita na niya si Aldred sa "PBB Teens" ug nagkaila sila sa shooting na sa MTV para sa "Mahiwagang Pag-ibig" ang theme song sa "Love Spell" ug nagka-loveteam na sila sa "Your Song" ug "Crazy For You."

Ugma puhon, ang kanilang love team ang featured sa episode sa "Abt Ur Luv" at 5:00 p.m. sa Channel 2. Bakekang

Subling makita si Victor Neri sa "Bakekang" karong gabii. Ipaila siya ni Izzie, igsuon ni Valeria (Sheryl Cruz) isip boyfriend niya. Pwes unsay mahitabo kon magkita sila ni Bakekang kinsa nagtuo nga namatay na siya? Mahal pa na siya ni Bakekang?

Samtang maluoy kaha si Lorraine (Nadine Samonte) ni Charming (Yasmien Kurdi) tungod kay wala na kini kapuy-an ug himoon kaha siyang alalay niini? Nakabantay na usab si Christoph (Jay Manalo) nga nangabit si Valeria. Atlantika

Malipayon si Rudy Fernandez sa pagkabalik niya from Las Vegas, tungod kay diretso na siya sa taping sa "Atlantika" as Camarro ug puro action scenes ang gihimo niya.

Nasulod na nila ang kaharian sa Atlantika ug napatay niya si Solas (Dan Fernandez), ipabilanggo siya ni Barracud (Ariel Rivera). Sa isla, palayason sa katawhan si Amaya (Iza Calzado) tungod kay matud pa nagdali kini og demalas. Mahunahuna ni Amaya nga hayan maharlika usab si Alona (Isabel Oli) tungod kay lahi ang gahom niini sama nila ni Ruana (Katrina Halili).