Sandara wa'y underwear?

Tungod sa nagsanga-sanga nga istorya ug kontrobersiya kalabot nilang Dawn Zulueta ug Gretchen Barreto, ang duha sa giilang "pinakamagagandang mukha sa showbiz," plano karon ni Greta nga mag-back out sa pelikulang Desperada.

Si Gretchen usa sa mga cast sa pelikulang Desperada ubos sa Regal Entertainment nga pagalangkoban nilang Ruffa Gutierrez ug Pops Fernandez, ubos sa direksyon ni Eric Quizon.

Matud pa ni Greta sa dihang gi-interbyu siya sa mga press people, mismong iyang jowa nga si Tonyboy Cojuangco ang miingon nga dili ipadayon ang iyang plano sa maong salida aron malikayan ang lain na usab nga intriga batok nilang Dawn.

"It could have been a casting coup kung sakaling magsama sa Desperadas ang apat, kaya sayang talaga," matud pa sa usa ka writer.

Oh well, sayang kung dili madayon ang pagbabalik-showbiz career ni Gretchen tungod lamang sa intriga nilang Dawn.

Nagsugod ang maong istorya sa dihang mag-shoot para sa usa ka commercial silang Greta ug Dawn kauban nilang Ruffa ug Angel Aquino.

Tungod sa pabulosa ang aura ni Gretchen - with matching three yayas, five bodyguards ug alalays ug imported clothes ug bags, personal microwave oven giakusahan si Gretchen isip 'prima-donna,' hinungdan nga iya kining gikahiubsan.

* * *

Giangkon ni Sandara Park nga naglisod siya sa iyang fighting scene ubanan pa og rain effect sa syuting sa pelikulang Super Noypi ubos sa Regal Entertainment ug pangbato sa filmfest karong Disyembre.

Usa sa iyang gibutyag sa gipahigayon nga presscon sa Super Noypi, wala siya makasul-ob sa iyang underwear hinungdan nga galisod siya sa maong eksena.

Nagpasalamat lang daw si Sandara kay to the rescue dayon si Katrina Halili, usa sa co-star sa Super Noypi nga gitabangan siya. Wala na na-elaborate ni Sandara kung unsang klaseng tabang ang gihimo ni Katrina. Gipahuwam kaha si Sandara og underwear ni Katrina?

Malipayon ang Koreana'ng aktres kay naay filmfest entry. Una usab niyang nakauban ang mga artista sa GMA-7 bisan naa siya sa ABS-CBN.

"Mababait sila. Hindi sila mga feeling stars at suplada. Masarap silang kasama," matud pa ni Sandara.

Kauban sa Super Noypi cast ang controversial loveteam nga silang Mark Herras ug Jennylyn Mercado, Ara Mina, Paolo Ravales, John Prats ug Katrina.