Kun matunga pa lamang unta ang kasingkasing

Mabulokon nga istorya nga adunay tipik sa realidad. Sa tunga niini anaa ang Diamond Star sa nasud nga si Ms. Maricel Soriano isip "Inang Yaya." Usa ka pelikula nga makapahilak ug makapantangod sa tanan, inahan man o dili gumikan kay tinuod nga nahitabo diha sa matag panimalay, adunahan man o uyamot. Kini maoy labing uwahing dalit sa Unitel Pictures, ang produksyon luyo sa kalampusan sa mga award-winning movies sama sa Crying Ladies, Santa Santita, Nasaan si Francis? ug La Visa Loca, ug niadtong Lunes, gisaulog ang red carpet premier ning nahisgutang pelikula diha sa SM Cinema 2 ug 3 nga gitambongan pa mismo sa nag-unang bitoon niini nga si Maricel.

Kini istorya ni Norma, (Maricel Soriano) usa ka inahan nga yaya nga gibiyaan ang iyang kaugalingong anak aron mag-atiman sa anak sa laing tawo nga iya na usab nakat-unan og higugma sama sa usa ka tinuod nga anak.

Ang pelikula nagpaila usab sa mga bag-ong child stars nga sila Tata Santos nga nagdala sa papel ni Ruby, ang anak ni Norma nga iyang gibilin sa probinsiya sa kiliran sa iyang inahan ug ni Erika Oreta, nagdala sa papel ni Louise, ang guwapa ug maabiabihong anak sa adunahan nga magtiayong May (Sunshine Cruz) ug Noel (Zoren Legaspi) kinsa sukad pa sa iyang pagka- bata gimatuto na ni Norma nga iyang gitawag og Mommy Yaya.

Sa dihang namatay ang lola ni Ruby, napugos si Norma pagdala sa iyang anak ngadto na sa panimalay sa iyang mga amo. Dinhi magsugod ang kompetisyon sa duroha ka mga bata sa atensyon ug pagmahal ni Norma nga magkalisod og balanse sa iyang oras tungod kay wala siyay angay paboran tali sa duruha. Apan kinahanglan ni Norma nga mopili og usa lang, tungod kay nagdesisyon ang pamilya ni Louise nga mo-migrate sa gawas sa nasud. Dinhi magsugod ang dakong problema ni Norma ug iyang pamatud-an kanato nga "ang oras pwedeng mahati pero ang puso hindi."

Ang Inang Yaya, mao usab ang unang pelikula sa commercial director nga si Pablo Biglang-Awa nga usa ka banggiitang pintor. Ang screenplay niini gisulat ni Veronica B. Velasco nga co-director usab sa maong pelikula ug kini gi-produce ni Antonio Gloria.

Sa usa ka press conference sa mismong adlaw sa Premier Night niini nga gitambongan sa Banat Hugyaw, nahatagan og talagsaong higayon ang mga miyembro sa Cebu press nga mahinabi ang Diamond Star mahitungod sa iyang career, pelikula ug personal nga kinabuhi.

Gibutyag ni Ms. Maricel Soriano nga nag-enjoy siya sa shooting sa pelikula hinungdan nga nahaduol gayud kini sa iyang kasingkasing sanglit nagpakita kini og tinuod nga panghitabo sa katilingban. "Itong movie na ito ay malapit talaga sa puso ko dahil ito'y nangyayari sa totoong buhay. Naramdaman ko din kung ano ang nararamdaman nila kasi I also have an inner yaya within me dahil nga mahilig akong mag-alaga ng mga bata at nanay din ako," angkon pa ni Maria.

Mitug-an usab siya nga nagduha-duha siya kaniadto nga hayan maglisod siya sa duha ka mga bata gumikan kay wala pa kini kalibotan sa paghimo og pelikula apan nasuta niya nga aduna diay sila'y natural nga talento sa acting nga nakapabilib kaniya. "Sa una, naisip ko na baka mahirapan ako sa mga bata; pero kapag nanay ka pala, hindi mahirap. Napakagagaling nga nila parang hindi mga bata. Walang halong arte ang pagganap nila kasi totoong-totoo at tumatagos."

Ang pelikula gisuportahan sa Visayan Forum Foundation, usa ka NGO nga nagtabang sa pag-abante sa katungod sa atong mga yaya, katabang o solugoon nga ilang gitawag og kasambahay kon kasama sa bahay. Nagtuo kini sila nga ang pelikula nakig-usa kanila sa pakigbisog alang sa mga kasambahay nga maoy "silent movers sa atong pamilya ug an unheard sector," sa atong komunidad.

Apan bisan pa og wala malakip isip entry sa Manila Film Festival karong tuiga ang nahisgutang pelikula, malipayon gihapon silang Maricel ug ang tibuok cast, staff ug crew sa maong pelikula tungod kay nagsubay kini sa bag-o ug mas bug-at nga dalan alang sa kaayohan sa kinabag-an.

Ang producer niini nga si Mr. Tony Gloria nahibulong ug wala usab makatoo sa pagtagad nga naani sa pelikula tungod kay kini nahimong usa ka paagi nga mabuka ang atong mga mata pag-aninaw sa tinuod nga mga panghitabo sa atong kinabuhi ug katilingban. "The movie was a discovery to me when I decided to produce the movie because it moved me, but I did not thought of advocating anything with it. For someone from the advertising world, I was only thinking of how to sell things; but then it became something else and now I already get to think of a lot of things because of the movie."

Dungan niini si Gloria mibuhi usab og mensahe alang sa nagpinal nga movie industry. "I wish to see the emergence of new filmmakers in the industry at sana dumami din ang mga independent producers nang sa gayon dumami din ang mga pelikula na hindi lang nakakapag-entertain but at the same time, nakakapagturo din ng aral."

Si Maricel nagtoo nga ang mga pelikula sama sa Inang Yaya lig-on nga paagi aron makatabang ang mga artista sa mga kalihokan nga adunay dakong ikatampo alang sa kaayohan sa kadaghanan. "Sana magkaroon din sila ng ganitong pagkakaton na maging parte ng ganitong pelikula."

Sa samang higayon miingon si Maria nga hangtod karon "mataray" gihapon siya apan ningsuway siya nga bag-ohon ang iyang ngil-ad nga pamatasan tungod kay matud pa niya, kini aron wala na siya'y bug-at nga bagahe nga pas-anon pa diha sa iyang dughan. Og kon love life niya ang hisgutan, "Wala. Nakasara ang puso ko pero hindi naka-lock...wala lang talagang nagtatangkang bumukas."

Isip iyang mensahe sa tanan niyang fans, niingon kini nga "maraming nangyayari sa buhay natin at lahat tayo nagkakaproblema, pero kahit gaano kasakit, life must go on."

Ang Iyang Yaya gisalida na sa mga sinehan sa Sugbo sukad niadtong Miyerkules.