Naghari si Kuya Mike sa tumoy sa kalampusan

Merry Christmas mga Kabischika! Hala noh? Unang Domingo na sa Disyembre pila nalang ka adlaw Pasko na gyud! Na feel na ba ninyo ang Spirit of Christmas? Ako, as in na feel na gyud nako. Kay akong mga kinugos nag text na. Hahahahahaha! Ayaw diay ninyo sipyata karong buntaga ang unang pahalipay sa "Engrande Disyembre" sa Oi! Show Nato Ni kay puno sa kahibulungan ang among giandam kaninyo. Let the magic of Christmas start in Oi! with "Oibarkadabra!" Makauban nato ang mga kapusong barkada sa Oi!: Ash, RM, K Andaya, ug ang Golden Prize Winner sa 9th Shanghai Asia Music Festival nga si Maria Donna. Ug dili lang kana, kay ang magical charms sa Roco twins (Dominic and Felix) magdugang pa sa ka-engrande sa inyong Sunday morning! Grand sad sa papremyo ang Yur Gift kay brand new cellphone ang maangkon sa lucky texter, gikan kini sa Elizabeth Mall in celebration of its 3rd year anniversary. Busa tutok lang gyud mo mga kabischika sa Oi! sa dili pa mag-SOP.

Mga kabischika, sure gyud ko nga sa akong ibischika ninyo karon, dili na bag-o kaninyo ang iyang pangan. Sure ko nga sa iyang programa sa DYSS Lunes hangtod Biernes malingaw gyud mo kay gifted gyud sa pagpakatawa ning atong kapuso. Meet the ultimate partner of Chupeta Super Chika, Kuya Mike Cabras!

Marciano Cabras Jr. ang tinuod nga pangalan ni Kuya Mike, nagdako sa San Remigio, Cebu. Gikan sa mingaw nga lungsod tuod si Kuya Mike apan dili malimod ang pagkabibo niya nga mao gyuy una sad nga mamatikdan sa mga tawo nga mahinabi niya. Gawas pa sa lawom ug adunay character ang iyang tingog witty kung manabi kini. " It was a Christmas vacation, niadto ko sa akong tiyo sa Mambaling, gi-encourage ko to audition" share pa ni Kuya Mike mahitungod sa iyang unang pag-audition isip radio talent. Ala Starstruck ang giagian ni Kuya Mike, sa 300 aspiring radio talents, unom ra ang nakuha ug siya ra gyud ang ni survive 'til the end.

Gidungan ni Kuya Mike ang pag-eskwela ug career niya sa DYRC kauban ni Inday Nita Cortez Daluz. Busy tuod si Kuya Mike apan, with the proper time management, nahuman niya ang iyang pag-eskwela. Later on, he worked at an AM music stations sama sa DYRB ug DYRE. Ni-boom pa gyud og samot ang career ni Kuya Mike sa dihang nagka-drama program siya sa DYLA ug naghandle pud siya ug personality program. Sa wala nagdugay, ang DYHP na usab ang nahimo niyang pinuy-anan sulod sa 23 katuig. Blessings came pouring in, later sa iyang career life, nahimo siyang member sa Kapuso family, diin iyang gilingaw ang mga tigpaminaw sa DYSS.

From radio, Kuya Mike continued earning kudos, this time, sa iyang acting skills on TV. Kahibaw ba mo nga usa siya sa mga artista sa kaniadtong sikat nga local teleserye sa GMA-7?- "Da Goat the Wanderpol," ang kanding nga magpopo og datung. Naa pa kaha'y kanding nga ingon niana karun? ehehhehehhe

"Lingaw ko sa duha, sa Radio ug TV. Kung sa radio mas dali, kay kung kumpleto na ang script mag-recording na. Sa TV mag-rehearsals pa, pero lingaw gihapon," aron pagkumpara niya sa duha. Sa dugay niyang trabaho sa radyo ug TV, dili gyud nato malimod ang kamaayo na niya sa naingong craft. Bisan pa'g piyungan, makadalit siya og serbisyo'g kalingawan nga 100% sa ka hugyaw. Aminado si Kuya Mike nga dili gyud maingon nga sayon-sayunon lang ang iyang trabaho. Matod pa niya, it takes determination, focus, dedication, and enough skills aron maka-perform ka sa imong tulumanon. "Sa drama, kung unsa man ang imong character dapat imo kining i-internalize, seryosohon aron mahatagan nimo kini'g kinabuhi," istorya pa niya.

Klase-klase na nga characters sa radio ang iya nga nahatagan og kinabuhi, bida ug kontrabida. Sa iyang pagka-kontrabida sa usa ka-drama, nahitabo na nga gi-duaw gyud siya sa istasyon sa mga nagsunod sa programa aron lang gyud batbatan sa pagkadautan sa iyang character. "Ako silang gi-atubang sa maayo ug gi-istoryahan, aron usab makasabot sila ug dili mahi-ubos," share pa ni Kuya Mike. Mao sad diay nga dagha'g siya'g blessings kay maayo man siya og gawi. Duha sa dili gyud malimtan ni Kuya Mike nga radio drama mao ang Misteryo sa Kalipay ug Sala ba ang Mahigugma? Diin siya ang nagdala sa main character.

Karon, kinsa man ang wala makadungog sa Super Chika sa DYSS? Bisan asa nga suok sa Central Visayas, lanog ug klaro ang makalingaw nga tabi nila ni Kuya Mike ug Chupeta. Gawas sa showbiz chika ug time check nga ilang idalit sa matag panimalay, ang ilang programa ang magpabuhi sa inyong adlaw tungod sa ilang mga pasiaw, ug dili lang na, kay undanon nga impormasyon usab ang ilang paambitan sa mga tigpaminaw.

Sa mga inspiring radio talents, advise lang gyud ni Kuya Mike, "kinahanglan gyud nga mag tuon ka, also be observant, and have the right attitude. Kung naa ka sa recording, dili magpalabi'g inom og bugnaw, kay tingog ra ang puhunan."

Busa mga kapuso ayaw kalimot sa pagpaminaw sa "Super Chika!" matag Lunes hangtod Biyernes 9:00am - 12nn kauban of course si Kuya Mike ug Chupeta. Sundan kini'g "Alang Kanimo Kapuso" para sa mga tambag ni Super Bob, Chupeta ug Madam Susan Aliño. Ug daghan pang nindot nga programa ang musunod niini.

* * *

Dugang pang chika, succesful kaayo ang mga giadtoan nako nga presscon, gi-launch na diri sa Sugbo ang Hello Motto Jeepney diin ang atong mga kapusong Cebuano naay libreng sakay matag Lunes. Ipakita lang ang ilang Motorola phones, free ride na dayon. Super savings di ba? Ug sa laing bahin, nakig chikahan pud ko sa atong Diamond Star, Maricel Soriano para sa movie nga "Inang Yaya." Grabe kabuotan ang atong diamond star during sa among interview feeling close ko niya. For that, go gyud dayon ko sa red carpet premiere sa salida didto SM City Cebu. Pila-pila gyud ang mga tawo didto. Usa ra akong masulti, two thumbs up ko sa acting ni Ms. Maricel Soriano. Nakatawa ug nakahilak ko sa movie. Witty ang storyline, limpyo ang shots, it made me feel good after nako natan-aw ang salida. Pagkahuman sa movie, gutom na man, for that proceed ang akong beauty sa lafangan party sa akong childhood friend nga si Glenn Boiser nga nag-birthday adtong higayuna. Thank you kaayo. Hi sa mga nag-email nako nga taga C.A Com Ayala Edmarie, Jona ug Lolit.