Sonata ni Sofia

Sofia. Maanyag ug makabibihag nga dalaga. Sa pangidaron nga 21-anyos lisensyado na siya nga medical technologist. Busa gipaabot nga magmabulokon siya nga mananambal ugma damlag. Apan lahi og laraw ang kapalaran alang kaniya. Gumikan kay bisan og sa ilang pamilya ikaduha ra nga prayoridad ang pagpalambo sa mga "hilig o hobbies," ug ang edukasyon ang importante, gidagit siya sa kahigayonan paingon sa kalibutan sa musika. Ug nahimugso ang SOFIA Bossa Latino Lite ubos sa Ivory Records.

"Ivory knew about my background in bossa and I was supposed to be helping out with the research for the album because I knew the words to the songs, it started with a demo for "Desafinado" and it turned out ok and then the one song became two, then three and before I knew it I was singing on most of the songs," saysay pa ni Sofia.

Sa high school pa lang kaniadto nagsugod na si Sofia pagduki-duki kalabot sa bossa music. Kini human, usa niya ka higala ang mipadungog kaniya og sampler sa latin music. Didto nahimugso ang iyang paghigugma sa mga kanta ni Antonio Jobim hinungdan nga nagsugod siya og tugkad sa maong matang sa musika. Gawas sa iyang pagduki-duki, nagkat-on usab siya pagtukar sa violin, acoustic guitar ug ning bag-o lang paghapak sa irish folk drum nga gitawag og "bohd run" (bow-run). "It was bossa and it was also folk music, rock-alternative and everything else for me during my formative music years," lakbit saysay ni Sofia sa iyang musical background. "I'm happy I get to play the music that I love especially in this album."

Gitataw sa kadagkuan sa Ivory Records nga ang pagtumaw ni Sofia dili gumikan kay ang bossa music maoy labing gikabuangan sa pagkakaron kun dili, kini tungod kay hinog na ang dalaga alang sa usa ka album. "Sofia is built to sing on this album," pagtin-aw ni Jon Daza, supervising ANR ning maong album. "She's just the type of voice, personality, and look that can make this album a credible latin influenced album, and her background in the (bossa) style is a solid foundation for us to build on. She's not doing this because it's the in thing now."

Ang Sofia Bossa Latino Lite naglakip sa English-Portuguese version sa kantang "Waters of March (Aguas De Marco), "Desafinado," "Let's Wait Awhile, "It's Too Late," "Blue Moon" ug "Breaking Up Is Hard To Do." Nagtangag usab kini og bag-ong kantang giulohan og "Just No Ordinary Day." Samtang ang kantang "Waters of March" kasamtangan karong nanganawkanaw karon sa kahanginan.

Alang sa dugang kasayuran bisitaha ang www.sofia.com.ph.