Unon ka taga Cebu Starstruck

Belated happy fiesta sa mga taga-Carcar! Malampuson kaayo ang ilang Kabkaban Festival gahapon. Thank you so much sa pag- invite ninyo nako para mag-host sa inyong Kaluha Festival last November 18, 2006. Halos malibat ko sa mga gwapa ug mga gwapo kay akong panan-aw doble-doble! Pagka-cute gyud hinoon sa mga chikiting nga kaluha. Sa kinabataan hangtod kinatigulangang kaluha sa Carcar, 100% ang attendance.

* * *

Mga ka-bischika, remix to the max ang Oi karon. Remix dance hits ang hatawan namo ni Ate Recca ug Bestfriend Amon. Inyong masaksihan usab ang triplets nga silang Ivy, Iza, ug Irish Acusar sa Oi tubag! Ug dili lang na maila-ila nato sa dance floor ang bag-ong best friend ni Amon, si ASH kauban makig- hataw sa dancefloor ang Misfits, Disco Jammers, Sexy movers, sexy Atomic ug Vhenz unlimited Dancers. Ug sa inyong kinaham nga Oi Pop Sensation Showdown kinsa nilang Nonesa Demicillo, Rommel Gregory Casas ug May Cortez ang mo-ilog sa korona ni Joecille Escanillan? Daghan pang kalingawan ang among idalit kaninyo, busa ayaw ninyo sipyata mga ka-bischika ang Oi before mag- SOP.

* * *

Hapit na magsugod ang first reality-based artista search sa Pilipinas- StarStruck. Unom ka malaumon gikan sa Cebu ang manimpad. Sa StarStruck na kaha ma-realize ang ilang DREAM nga mahimong artista? Ang akong masulti, if they BELIEVE in themselves, for sure mo-SURVIVE gyud sila sa mga challenge. Sneak-peek mga ka-bischika sa usa sa unom nato ka manok sa StarStruck, akong gikahinabi ang tubong Holland nga dalaga, Rumailah Burden.

Natawo sa Holland si Mailah on October 31, 1989. Seventeen years old pa lang ang dalaga apan dili malimod ang iyang talento sa pagsayaw ug pagkanta, "I started singing at the age of five, my mom always brings me to Filipino Community gatherings where I get to sing in front of a large crowd," istorya pang Mailah.

Sa ingon niining pamaagi niya nakantahan sa sikat kaayong Freddie Aguilar hit nga "ANAK" ang kaniadtong presidente sa Pilipinas nga si Fidel V. Ramos, sa iyang pagbisita sa mga kababayan nato sa Holland. Dili sad paulahi sa labyugan si Mailah. "I once joined a dance group nga ala 'you got served'," tabi pa niya. Ug sila gyud ang winner sa Dutch Championship Street Dance. Beauty and talent rolled into one, maong dili gyud nato ika-pangutana nganong misidlak si Mailah sa StarStruck audition.

Didto tuod nagdako si Mailah sa Holland apan, "I could never forget that I am a Filipina," tug-an pa niya. Brought up in a Filipino way si Mailah ug ang iyang mga igsoon, "We pray the rosary, go to church," ingon pa niya. Karon nga ania siya sa Pilipinas, dili sad niya malikayan nga mingawon sa lugar diay siya diin siya nagdako, "the place is so quiet, fashion is evident," sulti pa niya.

Mailah loves to travel, "for me, it's an adventure," matud pa niya. Well-traveled gyud for sure si Mailah kay gawas nga nalibot na niya ang Holland, aduna pa siya'y plano nga tagam-tamon ang kanindot sa Cebu ug Leyte, mga lugar nga gigikanan sa iyang papa ug mama. Tungod kay byahera ang dreamer sa StarStruck, hanas gyud siya sa nagkalain-laing linguahe sama sa Dutch, French, German, English, Tagalog, ug Cebuano.

Dream gyud ni Mailah ang mahimong celebrity, mahimong star, mahimong... parehas nako... planet... hehehehehe. First T. V exposure ni Mailah diri sa Cebu ang pag-guest niya sa Oi! Show Nato Ni! kuyog si bestfriend Amon sa usa ka song and dance production. Ang iyang kuya nga si Chad Burden, nakig-yugyugan na ni bestfriend Amon sa Oi!, sa lahi usab nga okasyon.

Usa sad si Chad sa unom nga taga-Cebu nga makigbisog aron mahimong ultimate survivor sa StarStruck. Will the competition get in the way sa maayong panag-uban sa mag-igsoon? Dili sad mga ka-bischika oi... ni-assure gyud si Mailah nga suportahan nila ang usag usa. So, mga ka-bischika ato na silang atngan sa umaabot nga StarStruck The Next Level! Alang sa unom ka mga dreamers, ayaw mo kahadlok, ipakita ang inyong kumpyansa. Good luck ninyo and may your dreams come true! Padayon sa pagdamgo, pagsalig, ug angkona ang kalampusan. StartStruck next level na 'to!

* * *

Ug sa dugang Bischika mga friendship, congratulations sa atong Kapuso, Melaine Marquez kay ni-graduate gyud with flying colors sa kolehiyo, Cum Laude sa kursong Bachelor of Science in Business Administration niadtong Lunes November 20, 2006 sa Manila Hotel ang former Miss International. Ug dili lang na-double celebration ang nahitabo kay winner sad ang beauty ni Melanie ug Mr. Jim Acosta, ang tag-iya sa Psalmstre Enterprises nga maoy distributor sa Placenta products nga gi-endorse ni Melanie sa kasong Violation of Section 168 and 169 of the Intellectual Property batok sa Pureform Cosmetics kay tungod sa kakulang sa ebidensiya ug basehan. Busa mga kaBischika ayaw kalimot, ang bag-ong kahon sa Psalmstre New Placenta nakatatak ang close up photo ni Melanie Marquez aron dili maglibog ang mga suking mamalitay ug mapalit na kini sa mga botika, department stores ug herbal shops.

* * *

Thank you sa mga taga Car-car sa pag-atiman namo especially sa ilang pinalanggang Mayor, Hon. Mario Patricio Barcenas, ang ilang Vice-mayor Hon. Rogelio Montesclaros ug sa ilang mga S.B Members Hon. Edgardo Oca ug Hon. Shelly Marie Varga, Hon. Aquilo Rentillosa, Hon. Roy Velez. Sa nag- pakaon namo thank you nilang Elaine Resuelo ug Leonila Sato. Salamat usab nilang Hon. Carlos Manguiran, Bernardo Villafuerte, Diomedes Campugan, Raynilo Regis, Richelle Laraza, Jared Allera, ug Billy Rodela. Happy birthday lady Diana Alpasa, salamat sa lafang ug welcome back to Cebu April Alpasa nagkagwapa man ka te? Unsay sekreto? Salamat pud ni kuya JhunJhie G. Manigo sa JGM PC and Print Services sa imong pagtabang sa akong beauty.