Search for 'BisrocKabataan DJ' nagsugod na

Malamposon ang operasyon ni DJ Ram Dizon ug gani nakasugod na kini'g sibya og balik sa miaging adlaw alang sa launching sa bag-ong tulumanon nga hulip sa "YourVoice, YourChoice Tingog Kabataan". Taud-taod usab nga nawala ang maong tulumanon sa kahanginan tungod sa kakulian sa panglawas ni DJ Ram kinsa nagsagubang sa hyperthyroidism, samtang ang iyang partner nga si Bré Ambungan nilarga usab sa Netherlands alang sa mahinungdanong mga butang may kalabutan sa iyang assignments sa Eduardo Aboitiz Research Center/Ramon Aboitiz Foundation, Inc.

Hinungdan nga nahukman sa management sa 93.1 Smash FM, gipangunahan ni Marit Stinus Remonde, nga aduna'y reformat nga pagabuhaton, ug nga mamahimo nang MWF ang schedule sa airing sa hulip niini nga "BisrocKabataan".

Nahukman usab nilang Marit ug Ram nga mangita og partner gikan sa habig sa mga tigpaminaw aron duna'y "sectoral representation" ang maong youth-oriented rock radio program nga madungog na sa alas 10 am hangtod sa udto. Ang Search for Ultimate BisrocKabataan DJ mopasulay sa pagpatikang sa mga kabatan-unan nga may talento sa pagpamaba ug pagpanibya. Magsugod karong adlawa ang audition. Pasulayon sila sa pagsulti sa kahanginan pinaagi sa mga news update, mga butang may kalabutan sa kalambuan sa kabatan-unan, ingon man ang time check ug pagpalanog sa mga greetings lakip ang ilang mga panahom sa mga developments sa local music scene. Mahimong ang mga dili sakop og clans makaapil usab niining maong kalihukan. Ang mapilian maoy himoong partner ni DJ Ram ug Bré matag Miyerkules. Matag Biyernes, turno ni Charlton "Tonton" Miparanum, ang gitarista sa Phylum, sa pagpalanog sa tingog sa mga banda, samtang akong tingog ang manganaw-kanaw matag Lunes alang usab sa habig sa prensa/media.

Mapasalamaton sad ko'g dako sa gibuhat sa Pasakanin, ang grupo ni Fraynere "Kulas" Holganza nga ilang gisukip sa ilang concert diha sa La Mer ang akong mga giisip nga mga manghod, ang sakop sa Assembly Language. Sa pakighinabi nako ni Kulas sa Regale Business Park Hotel niadtong Sabado, kauban ang mibarog isip ilang manager ug usab PR officer sa Regale nga si Cris Sagun (ang pinaka-sensible nga mo-forward og text message), siya nagkanayon nga mas maayo nga mag-collide matag karon ug unya ang reggae ug rock labi na gyud kon Bisaya nga reggae ug Bisaya nga rock aron ipakita ang kahiusahan sa mga local artists. Nakadayeg usab si Kulas sa kabuotan sa mga sakop sa Assembly Language, ilabi na gyud si Emping Kiskisan, mao nga nakaingon siya nga sa mga sunod nilang mga concerts, bitbiton gihapon nila ang Assembly Language kay dili lisud ikatrabaho, dili rock star og mga attitude, ug nga wala magsagubang sa gitawag og "hydrocephalus" kon pagdako sa ulo.

Kauban usab sa Estambay with Pasakanin (A reggae party @ Mango Square La Mer Entertainment Bar) niadtong Nobiyembre 18 ang mga banggiitang reggaenistas sa Sugbu (nah! Mo-bow gyud ko's kahugyaw. No wonder Cebu is the Reggae Capital of the Philippines!) ang The Superspy, Raskafarians, Toysouljahs, Burnin' Culture ug ang world music artists nga Mungkanghan. Ang maong pasundayag gipaluyohan sa Converse kauban ang promotions and marketing specialist niini nga si Ian George Ruedas. Susama sa suporta nila sa mga athletes, ang Converse positibo nga ang ilang pagsuporta pinasubay sa ilang motto nga "Everything we do is a tribute to the athletes who gave birth to their sports" mapahid usab ngadto sa mga musikero: "Everything we do is a tribute to the musicians who gave birth to their songs. To those who made it great and those who re-invent it everyday."

Atangi usab ninyo dinhi sa BANAT Hugyaw ang paglusad sa Bisrock Clan Zone nga sabakon ning maong lindog. Humana akong pakigsabot sa ubang mga pangulo/point person sa mga clans/fans club, sama pananglit ni Issay sa Kapabis Clan ug siya misanong nga paningkamotan ma-produce ang akong gikinahanglang kinakusgang photo with matching profile para ang tanang efforts sa nagpaluyo sa Bisrock maila ug mapahingusgan pa.

Mo-greet diay ko sa tanang taga-Opon nga nag-celebrate sa pangilin sa Our Lady of Rule. Maayong pagsinaw sa mga simod nilang Bong Oppus, ni Carl Michael Geverola ug sa lain pang mga sakop sa bandang Flirt nga taga Sangi, Lapu-Lapu; sa D'Kazins nga taga Canjulao, sa bandang KDB nga taga Lapu-Lapu sad ug sa Anorexia nga taga Soong, Mactan; ug ilabi na gyud ni choydhegz sa Mactan gym nga tigpaminawan sa Smash FM. Bugsay, mga Bisrockerz!

Bugsay...bugsay MessageBoard

Text 09215323616 or email [email protected]

"Eloow ko sa akong brkda tga Mandaue, nmely Lumie, Vaneza, Rizah, Jaycee, Aileen. Stay beautiful guyz!" - From Gema of Mandaue

"Gret lnG q sa mga chatter sa IRC, labi na sa #Bisrock Chnel. Gret xad q sa mga tkd's Basak NHS. Regards z q aq bstfwn nymly kn8 of Mandaue, n mah beloved cuzin lovly from Basak. More Powah Bisrockerzzz." - Shirley from Undahworld. Luv yah fellazzz!

"Hi sa tanang Tribu Vandalismo esp. nlang makiE, rogz, chay, undo, tarz, snaire. Letz rock." - frm rEm

"Ngano man wala'y Bisrock ringtone? Maynta na-a.." - Brendalec, Lapu-Lapu City

"Helo nilang gilbey and jay sa mandaue, greetings from Negros Occidental." - 092162824**

"Greet ko sa tanang BLC Smart Chapter sa Naga. 3-Rounds Congrats Pacman! Malipayong pagbalik ni Ram. Grit sad ko nila Peach, Mayang, Hot Chile, ton2x, ug JC girl." - Yolac Canoy

"Katap na jud ang Bizrock hangtod sa Toboso, Neg. Occ. Hi lang ko sa Visitacion Family sa Toboso. Maskin lisud kuhaon ang signal diri, minaw gihapon mi." - 091061432**