Walay nakatambag sa singer

Mga manash, no name names na sad ko ron, fatawarin, kay medyo nalooy padjud ko's matungdan. Kasi, atong last Sunday, November 12 in the afternoon, gidaa mi's taga ABS-CBN thru Ms. Trixie Tolentino with matching air conditioned service vehicle, kay ingon ana man mi ka pinangga sa KAPAMILYA [take note, Lalaine Go] after a very satisfactory snacks sa Bo's Coffee didto's Gaisano Mactan, aron mi makasud-ong sa show nilang Makisig Morales alyas "Super-Inggo," Mark Anthony Fernandez, Kaye Abad ug Pareng Jomar [ka gwapo ug ka talented aning bataa uy no, Adrian? Kon ulitawo pa lang lami panumpaan]. Pero sa wa pa moabot ang mga stars sa "Super Inggo" kay nag caravan pa man around the city of Lapulapu, may preliminary show una sa mga local entertainers. Nakaila ko sa usa sa mga performers, kay kadaghan na man ni siya moapil og mga singing contests diin, usahay usa ko sa mga judges. Gani, usa siya sa mga finalists sa "Search For Singing Stars" sa CCTN- Channel 47. Usa ni siya sa daghan unta kaayong mga talented ug mga maayo kaayong mga singers sa Sugbo, nga wa gyo'y gustong mag-professional singer ug gusto lang magsige'g apil og singing contest kay mas dako man kono ang ilang kitaon kon kanunay lang silang moapil.

Hinoon, kini siyang babayhana, may nag-manage na gyod kono niya, og ang iyang manager, gitudlo gani atong duha pod ka kyampaw nga mga hosts, ug miingon ang mga hosts nga kon gusto mo sa serbisyo niining maong singer, mahimo sa pag contact sa iyang manager, dungan sa pagtudlo sa manager 'kono' niya nga nagsul-ob kono og tangerine. Pero kon duna na siya'y manager, may nakatambag unta niini nga wa kinahanglana ang semi-formal attire sa maong kalihokan. Ang nahitabo, nagsul-ob ang singer og semi-formal attire, apan wa gyo'd nakamatikod ang manager hasta ang duha ka hosts, nga nagbitay intawon ang strap sa iyang bra ug untidy kaayong tan-awon, kay strapless man sad ang semi-formal attire. Kapila pabalikbalika og kanta ang singer, pero syaro, wa gyoy nakakita sa nagbitay nga strap sa bra? Gawas pa, blue ang semi-formal attire, nganong gipasul-ob man og flesh colored boots ang singer? Asking lang, kay kuyapan tingali silas Harley Ruedas, Jed Sevilla ug Marlon Waffer kon nakakita pa ato, di ba, Jonas Panerio [O di ba, special mention sad si Jonas, Ryan Mark?].