Jennylyn Mercado, plastic

Isog ug bug-at ang mga pamahayag ni Ryza Cenon batok ni Jennylyn Mercado hinungdan nga nabuking nga dili diay sila managhigala.

"Nabasa ko sa Hi magazine ang sinabi ni Ryza na tinanggal sa SOP si Jennylyn dahil hindi maganda ang ugali nito. Mabait lamang daw si Jennylyn kapag nasa harap ng kamera pero off-cam, ibang-iba ang kanyang ugali. Mapagpatol din si Jennylyn sa mga isyu.Knowing her,sasagutin niya ang mga sinabi ni Ryza.Si Jennylyn pa?" tsika pa ni Manay Lolit Solis, sa PangMasa.

Pwes unsay buhaton sa GMA-Artists Center aron mahusay ang duruha nila ka mga Starstruck Ultimate Female winners?

Sa Startalk kagahapon nangayo og pasaylo si Ryza sa Artists Center. Kahinumduman nga gitawag nga traydor si Ryza ni Jen, human matud pa nakit-an nga nagpasabak ang nahauna ni Mark Herras sa dressing room sa SOP, usa niina ka higayon.

Cruz cousins ok na

Duna pa bay dili maayong pagtinagdanay tali sa Cruz cousins nga sila si Sheryl Cruz, Geneva Cruz ug Sunshine Cruz? Mitumaw ang maong pangutana human matud pa gibutyag ni Sunshine sa usa ka interview nga wala pa gihapon mahupay ang kahiubos ni Geneva ngadto ni Sheryl. Si Geneva hinoon pinaagi sa text message nga gipadala ngadto sa usa ka higala mihimakak niini, kay matud pa nagkaistorya na sila ni Sheryl ug gikalimtan na nila ang 'nakaraan'.

Ang 'hinanakit' issue taling sa mga manag-agaw nagsugod human wala makapauli si Sheryl dihang namatay ang iyang amahan nga si Ricky Belmonte. Didto siya sa U.S. ug maoy pagpanganak sa kinamaguwangan niya nga si Ashley. Tungod kay medyo dili himsog ang bata ug gi-breastfeed niya kini, gitambagan si Sheryl sa doctor sa dili una pagbiya sa iyang anak.

Giyagyag ni Miriam ug Dayanara

Sila si Dayanara Torres ug Miriam Quiambao ang guest ni Ali Sotto sa iyang programa sa ABC karong Martes, November 21 at 10pm.

Giistoryahan ang morag fairytale romance sa duha ka kanhi beauty queens ug giunsa nila pagbangon gikan sa kapakyasan.

Ang marriage ni Dayanara sa Hollywood star nga si Marc Anthony milungtad og lima ka tuig ug natapos pinaagi sa divorce.

Subling nagpakasal si Marc ngadto ni Jennifer Lopez samtang si Dayanara mibalik sa pag-artista ug pag-modelo.

Samtang si Miriam mibiya sa iyang malampuson nga career isip TV host ug nagpakasal sa Italian businessman nga si Claudio Rondinelli ug nanimuyo sila sa Hong Kong.

Apan magbuwag sila human sa tulo ka tuig. Unsay nahitabo? Atangi sa Ali!

Richard for senator?

Nabaniog nga interesado ang political opposition pagmuntar ni Richard Gomez isip senatorial candidate sunod tuig. Kini luyo sa deklarasyon ni Goma nga magpapili siya isip gobernador sa Bulacan apan bukas siya sa Senado.

Sa launching sa scents of Richard & Lucy, a Bench product, at the Mall of Asia Music Hall last Thursday night, subling giklaro ni Goma ang iyang plano nga magpapili isip gobernador, desisyon nga giuyonan usab sa iyang asawa.