Olyn ug Matt malipayon

Gibutyag ni Olyn Membian nga smooth sailing ang relasyon nila ni Matt Evans kay matud pa niya, but-an man kaayo ang young actor. Dugang pa niya nga wala silay problema kay loyal man kini, walay bisyo, kahibaw pa gyud modala og tawo ug matured.

"Nasa kanya na po lahat ng magandang ugali. Ako nga po 'yung parang pasaway sa aming dalawa kaya ako 'yung parang tinuturuan niya at marami naman akong natutunan sa kanya," pong pa sa young actress nga naila sa PBB Teen Edition.

Five months pa lang ang relasyon nila nga nagsugod sa dihang migawas sila sa PBB house last June. One week human sila migawas sa Bahay ni Kuya, gipanguyaban siya ni Matt nga mibukahad sa usa ka relasyon.

Among the PBB Housemates, ang labing suod niya gawas sa boyfriend niya nga si Matt mao sila si Brenda Fox, Mikki Arceo ug Nina Jose. Hangtod karon wala gihapon maputol ang ilang communication , kung aduna silay oras mag-uban gihapon sila aron mag-bonding.

Kauban usab sa grupo nila si Kim Chiu, apan tungod kay busy man kaayo kini, panagsa ra nila kini makuyog. "Pag may time naman po siya, sumasama siya. Tulad nun'g minsang nagpunta kami sa Enchanted Kingdom, sumunod nalang si Kim dahil may tinapos siyang commitment," say pa Olyn sa PangMasa.

Samtang, sa bag-ong episode sa "Love Spell" nga "Pasko Na, Santa Ko" with Ai-ai delas Alas ug Vhong Navarro, malipayon ang tibuok barkada kay magka-uban man silang tanan nga mga PBB Teens gawas nila ni Jamilla Obispo ug Claire Cabiguin.

"Sayang nga po at wala sila kasi parang reunion na rin po namin ito, eh,"

Ang Pasko Na Santa Ko, magsugod karong hapon.

John Regala di na mag-artista

Kung dili na mausab pa ang plano sa banggi-itan nga character actor John Regala, ang "Ligalig" sa CM Films ang mahimong katapusang pelikula niini. Sa maong pelikula siya maoy igsuon ni Sunshine Cruz nga kanhi marine officer ug na-war shock higayon sa pakigbatok niini, maong weird ang iyang character.

Usa sa labing maanindot nga suspense-thriller ang ilang movie nga gi-direct ni Cesar Montano kinsa pwerte niyang biliba sa pagka perfectionist sa tanan nga mga eksena nga gibuhat nila.

Matud pa niya nga sakit kaayo talikdan ang showbiz, apan naka decide na siya ug ang iyang asawa nga si Gina nga magtrabaho una sila sa Japan sulod sa unom ka tuig ug human niini mo-migrate na sila sa US.

Mahibilin una ang ilang duha ka mga anak. Si Gilbert John,15 ug Hideyaki, 14, sa iyang mommy, ang kanhi aktres nga si Ruby Regala. Samtang tua sa Arizona ang usa pa niya ka anak, si John Paul Kieffer nga 11 years old.

Matud pa niya nga permanente sila nga gitawgan ni Paul, gani komedyahan niya kini nga dili sila magka-sinabtanay kay slang man kaayo kini kung manabi.

Kung atua na siya sa Japan ug makakita siya og Japanese nga willing mag-produce og pelikula para kaniya, bisan og digital films, mubalik siya pag-usab sa nasud ug dili una sila muadto sa States.