Concert nilang Jay-R

Yesst Julian Tancawan ug Joel Ma. Rendokach, kadtong inyong bagger nga gihimo ninyong dancer sa Gaisano Main nga gihinganlan og Aion Espinosa Adlawan, mao sad tingali ang mangulo sa mga back up dancers unya sa concert nilang Jay-R sa Barba Complex sa Toledo City. SHOCKED? Yesst, naay giplanong concert ang gwapang Mayor sa Toledo City nga si Hon. Arlene Espinosa Zambo nga maglangkob sa mga garbo sa Toledo, sila si Anna Fegi, Jimmy Marquez ug siempre, ang taga Awihao [Toledo] nga gikagubtan niadtong Nobyembre 5 didto sa entertainment plaza sa SM City nga si Jay-R Siaboc, usa karon sa minahal sa mga KAPAMILYA nga mga televiewers.

Kini maoy gibutyag ni Hon. Arlene nako [kay nakigparyente baya tong iyang late mother nako] atong adlawa. Yesst, didto gyod siya pero wa mag-inusara. Take note, kauban niya ang pila ka sakop sa iyang staff sa City Hall, ug daghang mga suod niya ug mga taga Awihao gyod lakip na ang mga parents ni Jay-R hinungdan nga nakaluha gyud si Jay-R sa kahimangod. Tingali, usa sila ka bus ug morag didto na lang sad sila nangaon sa SM Food Square, kay pag-abot nako wa pay 1:30 PM galingkod na man sila didto nga nagdala og mga life size photos ni Jay-R nga gi-tarpaulin. Imagine? Ingon ani nila ka mahal si Jay-R mga manash?

Pero mahitabo pod lagi ang concert after na sa Pinoy Dream Academy. Ambot sad sa taga ABS-CBN ug sa part time designer cum manager kono ni Jay-R, dili ba nila pataasan pag-ayo ang talent fee sa nahisgutan. Basin og mapareha na unya ni Budoy nga mag-mantener na lag usa ka comedy series kay hilabihang nagpataas sa iyang ihi, di ba, Julian Tancawan ug Joel Ma. Rendokach?