3 Chordschoir: Paningog sa neo grunge punk

Ang mga sakop sa 3Chordschoir duna'y dakong respeto alang sa nagpasiugda sa grunge music tungod sa pagbutho sa pagkahiusa sa heavy metal ug punk nga gitawag kanhi og "unthinkable". Ang managkaluhang Jovan ug Jopert Lauron, parehong gitarista ug bokalista, kauban silang Jerome Pastrana sa bass ug Marvin Ocaba sa drums nagkahiusa sa pag-ingon nga "revolution in sounds empowered us to come up with original compositions fit to neo grunge punk style matched with the attitude".

Bisan pa man og gihulagway nga ang unang mga komposisyon nga migamit sa istilong grunge "muddy and murky, as that of the tradition espoused in the proto-punk era", ang upat misalig sa katakos sa maong sub-genre sa rock nga mopasupot og mga huning may kalabutan sa "attitude ug kool-tura" susama sa gibug-aton nga nahatag niini sa dihang nanglipang kini sa Seattle ug Olympia, Portland sa dekada '90.

"We look up to the works of The Ambassadors, Nirvana, Rancid, Weezer, Greenday, Rage Against the Machine, Sepultura, Dashboard Confessionals and Offspring and a lot more," mao kini ang bungat ni Jovan sa dihang akong nakahinabi human sa hugyaw nilang pasundayag sa La Mer Café niadtong Nobiyembre 8 atol sa usa sa mga installments sa nagpadayong Rockerzdak (Rockerz nga Bisdak) Nite.

"We pondered on the idea that if these influences would only have their counterparts here in the local scene, kani na mismong mga local artists maoy mopalapad ug mopalawom sa kawsa nga ipalanog ang mga communal issues sa paagi nga ang mga punk enthusiasts makasabot tungod kay maka-connect man sila sa mga dugukan sa isyu kay ila man kining mismong sentimiyento," apas-sumpay ni Jovan.

"Much easier man gud i-channel ang tanang matang sa isyu through songs, and it helps a lot if these issues would be presented in a manner nga mas dali masakyan sa maminaw," pasabot sa iyang kaluhang si Jopert. "Achieving a deeper understanding of issues become much of the intrapersonal level, kay inig sugod nimo'g paminaw mora'g wala lang and later on mo-seep in ang thought sa song and the next thing you'll realize is makaingon ka nga mao man ron ang akong hunahuna sa usa ka nagbagang isyu nga gusto nakong ipasupot," siya nagkanayon.

Samtang si Jovan ug Jerome nagtamod na ning maong aspirasyon sa dihang diha pa sila sa fourth-year high school ug sakop pa sa punk band Skittish hangtod na lang nga nahuman sila sa ilang tagsa-tagsa ka pagtuon sa kolehiyo. Sa wala damhang kasinatian, napugos sila pagtak-op sa usa ka anib sa Skittish tungod sa hinanaling pagtaliwan sa ilang drummer nga si Rosendo "Bata" Aspera gumikan sa sakit sa kasingkasing niadtong 2002.

Apan tungod kay hugot nilang gitamdan ang baruganan nga "through music, we would be able to present not only a sound, but an art as well", nagtukod sila niadtong Hulyo og banda bisan pa man sa ilang hectic work schedules. Namugna ang 3Chordschoir kauban si Jopert ug Marvin aron paghingpit sa mga elemento. Bisan pa man og tanan kanila may kasinatian sa church choir, ilang gipasabot nga ilang gigamit ang termino kabyon sa 3Chords alang sa paghingpit sa buot ipasabot niini - staying solemn amid the muddy and murky definition of grunge punk. "But this doesn't mean that we thrive on the sluggish and or lethargic orientation that is oftentimes associated with the word choir. We assure the audience they will get the bug-at sound they would want from us because we are headed into that direction," pasalig ni Jovan.

"Obviously, three chords ra man gyud na mostly ang punk songs so we would want that underscored and plus its being upbeat speaks so much of our bonding, our friendship, our camaraderie, our great love for Cebuano culture and music which we share with our manager Rommel Ensalada whose love of music is very contagious," matud pa niya.

Hinungdan man gani nga namugna nila ang usa ka self-titled Extended Play album nga gihangop sa ilang mga magdadayeg. Mapalit kini tag P30. Munit Lata (ang bili sa kalamposan sa pagtuon, may kabahin sa graft and corruption sa pangagamhanan, ang kahiusahan sa hinungdan nganong nagpakabuhi kita ning walog nga luhaan), Your Man (wedding song), ug ang mga love songs nga All I Want to Do is Love You and If Only ug duha ka live video performances sa If Only ug Your Man maoy naglangkob sa maong EP. Lain pang mga materyales nga ilang gikabisihan karon alang sa ilang major album project mao ang Resulta (may kalabutan sa sangpotanan sa mga bisyo), ug Tulisan.

Ang Tulisan naghubit sa nagkagrabe'ng mga kaso sa pagpanglabni og mga cellphones nga mosangpot na's pagpanunggab o pagpusil patay sa biktima susama sa nahitabo sa usa ka coed dili pa lang gyud dugay. Tulisan ang katapusang kanta nga ilang gitagaan og kinabuhi atol sa Rockerzdak (Rockerz nga Bisdak) Nite event sa La Mer Café sa Mango Square Mall. Naka-jam nila ang lain pang mga Bisdak bands sama sa Birth Control, Fungus, KDB, Republika ug Wet Slipperz niadtong Nobyembre 8.

Hugot ang pagtoo sa 3Chordschoir nga magdugay pa ang Bisrock. "The band feels that Bisaya rock would still be here in the next 15 years. This is based on the observation that there was a 10-year lifespan for Brown Underground Soundz, and the availability of venues for gigs. Nabuhi man gani sa una nga klarong underground, karon pa'ng naa nay naka-mainstream and na-a nay places like La Mer, Handuraw and Kahayag nga mga advocates," panapos ni Jovan.

Co-producer sa ilang EP si Ms. Marjorie Dialimas. Ang maong EP mapalit sa Mercy's Carenderia atbang sa Bombo Radyo station sa dalan Borromeo ug sa M. Lhuillier branch sa dalan P. del Rosario.