Sakripisyo sa Anorexia

(pinaymangatkatay.multiply.com, www.bisdakzoundz.blogspot.com)

Kon duna ma'y lokal nga emo punk band nga angayan sa atong pag-respetar tungod sa ilang gipakitang pakigharong sa mga pagsaway, pagbalibad, pag-echa puera ug sa sakripisyo nga ilang literal nga gipas-an gumikan sa usa ka bokalista nga may kakulian sa panglawas, kini mao ang Anorexia sa So-ong, Mactan.

Si Godfrey "Anthrax" Paquibot nagsagubang karon sa kalisdanan sa paglakaw gumikan sa polio, apan iyang gibatokan ang maong kakulian pinaagi sa kusog sa iyang igsoon ug mga ig-agaw aron matuman ang iyang damgong makatukod og banda.

Samtang gibala-bala sa iyang ig-agaw nga si Junrey "Jiparc" Inot, ang band drummer, pasaka sa among pamuhatan alang ning maong pakighinabi, siya nagkanayon "mobility is the only minor problem I have everytime I perform. But that I am able to deliver what is required of me everytime," mao kini ang iyang gihimong pasalig.

"Nya unsaon man nimo pag-rock pareha sa ubang vox with matching stagedive? Dili ka masina?" dason nako sa iyang gibuhiang pamahayag. "Maglingkod ra ko 'te nya headbang lang, madala ra man sa'g ikid-ikid ginagmay," siya mitubag.

Sa makaduha ka higayon gibalibaran ang mga kompo sa Anorexia tungod sa kapakyas niining mapahimut-an ang screening committee sa Smash FM, aron unta kadto makasinati og airplay. Apan matud pa ni Jiparc, "the station has all the right reasons to give us a shake of their heads because that means we have to improve yet our craft."

"So you wouldn't buy other bands idea to form a sort of coalition nya modasdas sa laing stations and start stories that Smash has been favoring bands, tungod lang kay inyong works "Pag-utlan" and "Bubho" were rejected," dason nakong pangutana.

"Ana man gyud na ang kanta 'te. Accept man sad mi nga naa sad mi yabo. Nya naa pud defect sa among lyrics sa Bubho. Besides, with Pag-utlan medyo semplang mi kay revival man gud ni sa usa ka Cebuano song, nya basin bitaw mosango mi's copyright," pagpasabot pa ni Anthrax.

Right now we are happy we have "Nabitin" and it's so nice to hear at least we have one song played on air. That in itself is already an achievement, apas-sumpay ni Anthrax.

Bisan pa man sa iyang kakulian, si Anthrax kauban sa lain pang lima ka mga susama kaniyang may "apan" sa lawas, nanagtrabaho isip computer encoders sa city social welfare office sa dakbayan sa Lapu-Lapu. Ginamit ang gamay nga pahat sa iyang kinitaan, ang pundok nakakab-ot sa katakos makabayad alang sa recording fee sa ilang mga kanta. "Gasto gyud tinuod mag-recording pero wala baya ta sugo-a sa Smash. Ato gyud ning gusto nga manganta ta, mo-pass ta'g demo CD. May gani naay Smash. Natagad pag-ayo ang mga local bands," matud pa niya.

Ang ubang sakop sa Anorexia mao silang Paul "Polette" Abing ug Juvy "Phyrox" Paquibot sa gitara kauban silang Glendo "Glenpax" Paquibot sa bass nga matag usa nakadayeg sa musika nga gipakatap sa Urbandub, Faspitch, Kamikazee, Mayonnaise, Stonefree, The Used, Finch, Chevelle, Saosin, Story of the Year, ug Chemical Romance.

Si Anthrax mao ang kinamaguwangan sa pundok ug nagdala sa tingog niini. Kanhi sakop sa Cuatro Cantos niadtong 2002 nga nagtamod sa Pinoy rock genre, apan matud pa niya "members of my previous band decided to drop me for obvious reasons. Nadawat man nako nga mora'g burden nako nila ba, so akong gi-inspire akong brother and my cousins that we should form a group of our own. At least, them being my relatives have the patience to keep up with my pace wherever the gig is," saysay ni Anthrax.

Ako siyang gisultihan: "The one thing nice about you Anthrax is that you exude with enthusiasm and the confidence to be able to sustain the undertaking, patching up whatever you lack in physical capacity."

"Natural lang gyud bation ta 'te og self-pity at times aning atong kahimtang, but if padayon ko mag-entertain sa self-pity, it would do me no good. It won't bring me somewhere else other than deep in the muck of failure. I wouldn't want to be in there either. Despite sa pag-booh sa crowd sa among mga performances sa una, I am determined to improve this craft and bring my band to wherever the rest had successfully taken theirs," pamulong pa niya.

"So ngano man intawon nga nipili man ka'g anorexic name if you are this determined?" labay nako sa katapusang pangutana. "There are many medical risks associated with anorexia. Mao pud ni sa pagtikang namo sa local music industry. Daghang banda, daghang talento, pero if nobody dares nurture the music industry, this will lead to shrunken bones, mineral loss, stunted growth, pagka-anorexic. For us to help our music mature, we need mentoring. Imbis nga manaway, maypa'g ila ming tudloan unsa pa'y angayang buhaton para ma-improve among craft. We need other proponents and players in the industry to move with us. Rebellion is not the key to any reform on what type of music should be accepted or on how should Bisaya sounds be defined. Ang mga tigpaminaw dili man na bugo. Respetaan nato ilang intelligence. Sila ang mohukom unsa ang ilang gusto mapaminaw," panapos ni Anthrax, kinsa mao usab ang dibuhista karon sa rocktoon isip illustration support ning maong artikulo.