Angelica excited mahawkan ni Aga

"Nauntog na ako, natauhan na ako," tubag pa ni Angelica Panganiban sa pangutana kaniya kaniadto sa wala pa ang presscon sa "Pitong Dalagita" sa Canary Films kabahin sa kanhi boyfriend niya nga si Carlo Aquino. Last November 4 sa birthday ni Angelica, matud pa niya nga ni-text si Carlo kaniya ug gani na "who you" niya kini kay wala ang number niini sa bag-o niya nga cellphone.

"Si Carlo ito, happy birthday" nga gitubag niya og "hello, ex." Tinuod nga ex na lamang niya si Carlo, gani sa dihang iya kining gisulti sa iyang mga kauban sa ilang panimalay gipakpakan siya, ug sa mga naka-atubang niya nga mga press people nanghina-ot siya nga malipay usab sila para kaniya.

Aminado siya nga lisod kalimtan ang first love, hilabi na si Carlo nga kaniadto sa maong ulitawo lamang naglibot ang kalibutan sa dalaga. Pero matud ni Angelica nga na-realized na usab niya nga pwede pa usab siya nga makabaton og second love, third love. Apan sa pagkakaron wala pay nakapanag-iya niini kay para kaniya gusto pa una niya nga papahuwayon ang iyang dughan.

Naka-focus sa iyang career, kay kung showing na ang "Pitong Dalagita" sa November 29, magsugod na usab siya sa iyang movie next year sa Star Cinema,diin iyang makauban si Maricel Soriano ug leading man niya si Aga Muhlach. Gani aduna sila'y kissing scene ni Aga, ang pangutana musugot ba kaha siya?

" Oo naman, sino naman ako para tumanggi, si Aga Muhlach na iyon. Excited na nga ako, pero sana before the year ends, makapag-cruise muna ako, kahit Asian cruise muna, parang ito na ang Christmas gift ko para sa sarili ko at next year, maipatayo ko na rin ang dream house ko," panghinaut pa niya.

Nadine nanghimakak sa intriga

Ni-react si Nadine Samonte sa mga intriga nga ang Chinese boyfriend niya ang nagpabuhat sa balay niya sa Sta,. Rosa, Laguna.

Matud pa niya nga dili bilyonaryo ang iyang boyfriend ug gawas niini wala pa usa'y kasiguraduhan nga silang duha na gyud ang magkadayon para patukoran siya og balay niini.

Depensa pa niya nga paghuman sa "StarStruck," wala siya mawad-i og projects, maong nanghinaot siya nga adto na sila sa ilang bag-ong balay mag-Christmas.

Gawas sa "Pitong Dalagita," busy usab si Nadine sa iyang taping sa "Bakekang" ug sa usa ka digital film nga ubos sa direksyon ni Celso Ad. Castillo, ang "OFW, Away From Home" with Coco Martin.

Alfred inlove samot ni LJ

Sa dihang nagkasakit si Alfred Vargas last week ug kinahanglan nga ma-confine sa St. Luke's Medical City, napamatud-an sa aktor kung unsa kanindot mu-atiman ang iyang girlfriend nga si LJ Reyes.

"Tender," matud pa niya sa PangMasa. "Siya ang nag-i-sponge bath sa akin, siya rin ang naghahawak ng dextrose ko whenever I had to move, at sa kanya ako humahawak kapag tinutusukan ako ng karayom," saysay pa niya.

Bale ba, Alfred is living alone sa iyang napalit nga balay ug ang iyang driver ug maid lang ang iyang kauban. Maong sa dihang gihilantan siya nga miabot sa 39.5 ang iyang temperature, didto siya naka-amgo nga lisod gyud ang mag-inusara sa kinabuhi.

Ang driver ra niya ang nag-rush kaniya ngadto sa tambalanan ug upat siya ka-adlaw nga na-confine. Tonsillitis due to over-fatigue ang nahimong hinungdan sa iyang sakit, apan karon okay na siya.

Sa pagkakaron, bag-o pa lamang nahuman ang iyang pelikulang "Gigil" under Regal Films opposite Katrina Halili nga ipagawas na sa November 22. Apil usab siya sa filmfest movie nga "Zsa Zsa Zaturnnah" ug aduna usab siya'y bag-ong project sa GMA-7 nga adto pa kuhaan sa Malaysia.