Drama ra ni Regine ug Ogie

Unsa kaha ang mga komento karon sa mga himantayon kabahin sa relasyon nila ni Regine Velasquez ug Ogie Alcasid karong adunay nakita si Janno Gibbs nga mga picture sa duha?

Apan dali'ng gibalibad ni Ogie niadto'ng milabay nga Domingo sa SOP nga picture lang kadto sa ilang taping sa sitcom nga "Ay, Robot!" diin si Regine mao ang special guest sa ilang unang anniversary presentation karong Sabado, November 11 sa alas siyete sa gabii nga makita sa QTV 11.

Ang namatay na nga asawa ni Douglas (Ogie) mao si Chona nga kaluha ni Reggie (Regine). Si Reggie miuli diri sa Pilipinas para mahimo'ng bridesmaid sa iyang kaslonon nga higala. Kini maoy dagan sa istorya sa maong sitcom.

Atangi ug tan-awa na lang ninyo kung nganong sila mao ang gikasal sa istorya nga gisulat ni Agnes de Guzman ug gi-direk ni Al Tantay.

Martin mag-last concert sa 'Pinas

Kung kuyogon man ni Martin Nievera sa iyang pag-uli nganhi sa Pilipinas ang iyang anak nila ni Katrina Ojeda nga si Santino, tugotan kaha kini sa airport nga wala pa man kini one month?

Samtang wala nay problema sa mga anak ni Martin nga sila si Robin ug Ram ang pag-adto nila sa States karong Pasko para makita ang ilang little brother.

Matud pa ni Pops Fernandez sa PangMAsa nga gusto gyud sa ilang anak ni Martin nga sa Las Vegas mag-celebrate sa Pasko pero dili sure si Robin nga makakuyog tungod kay aduna kini commitment.

Nadawat na usab ni Pops nga aduna na'y anak si Martin. Gani, sa dihang una niyang nakita ang hulagway ni Santino sa newspaper nga medyo hanap pa ang picture, mi-request siya dayon ni Martin nga padad-an siya og copy sa maong picture sa iyang cellphone. Suma pa ni Pops natural nga reaksyon lang siguro niya kadto busa curious usab siya nga makakita og cute nga baby.

Sa laing bahin, mouli nganhi si Martin tungod kay aduna siya'y show sa Premiere Theater sa Mall of Asia karong November 24. Gikataho nga kini mao ang katapusan niyang concert karong tuiga sa Pilipinas tungod kay mipirma na siya pag-usab og exclusive one year contract sa usa ka hotel sa Las Vegas.

Wala lamang matino sa PangMAsa kung maabtan ba og Pasko nganhi si Martin sama sa iyang naandan nga kuyog niya matag Holiday Season ang iyang mga anak nga sila si Robin ug Ram.