Tirso ug Christopher, super friends

Daghan ang midayeg sa friendship nila ni Christopher de Leon ug Tirso Cruz III. Suma pa sa tsika sa PangMasa nga nasorpresa si Boyet ni Pip niadtong birthday niya nga gipahigayon sa Bohol with his family last October 31.

Nasayran nga wala pay katug si Boyet kay human sa iyang taping sa "Maging Sino Ka Man", diretso na dayon siya sa Bohol. Na-shock si Papa Boyet kay pag-abot niya sa Flushing Meadows Resort & Playground sa Dauis, Panglao, nag-una na niya sila si Pip ug ang wife niini nga si Lynn.

Nag-una og abot sila si Pip tungod kay tuyo nila nga sorpresahon gyud si Christoper.

Pwes dungan sila nga mitambong og Holy Mass nga nalahi tungod kay Latin ang gigamit ni Fr. Joey Skelton.

Hinuon miuna og balik sa Manila last November 1 sila si Pip ug Lynn tungod kay moduaw pa sila sa ilang mahal sa kinabuhi didto sa Himlayang Pilipino.

Sila si Boyet ug ang iyang pamilya nagpabilin tungod kay first time pa nila sa Bohol busa musuroy una sila sa Chocolate Hills ug motan-aw og tarsier.

Karong adlawa mobalik na sila sa Manila alang sa taping sa "MSKM."