Padayon pa gihapon si Kris isip host, bisan paman tuod og wala pa matino hangtud kanus-a molungtad ang "Deal or No Deal."
Matud pa usab sa usa ka staff sa maong game show, okay lang nila nga sila maoy mo-adjust sa oras sa taping, tungod kay dili na mahimo nga malapoy pa si Kris sa lawom nga kagabhion gumikan sa pagsabak niini. Jeli ug Armie mapasalamaton
Daghan ang naguol sa pagkatangtang nila ni Jeli Mateo ug Armarie Cruz sa Result Night sa "Philippine Idol" last Monday. Hinoon bisan ang mga judges nga sila si Ryan Cayabyab, Pilita Corrales ug guest judge nga si Luke Mijares naguol sa pagkatangtang sa duruha tungod kay sila nalakip sa giisip nga strongest performers sa "PI." Napildi sila sa text votes.
Nagpasalamat ang duruha tungod sa kahigayonan nga nalakip sila sa Top 12 ug maayo ang dagan sa ilang pagpanimbag sa maong contest, hangtud na sa takna nga sila natangtang. Matud pa nilang duha nga ang ilang gikaguol og maayo mao nga mingawon sila sa ilang mga co-finalists, tungod kay maayo na ang ilang bonding ug managhigala na silang tanan.
Ang mensahe nga nadawat sa PangMasa gikan sa mommy ni Jeli nagkanayon: "thank you for the support you have given her in "Philippine Idol." We fought a good battle. Our deepest gratitude. God bless."
Malaumon ang mga supporters sa duruha nga bisan man tuod og natagak ang ilang mga idolo, molambo ra gihapon ang ilang career tungod kay duna silay talento nga ikabuga. Marky tahod ni Mark
Walay rivalry tali nila ni Mark Herras ug Marky Cielo ug gani maayo ang naumol nila nga panaghigalaay bisan pa man og dunay pipila nga gisigihan sila og intriga.
Gani sa bag-ong dance album ni Mark, dunay guest performance si Marky. Napamatud-an man nga maayo usab nga mosayaw si Marky ug kanunay sila nga gikompara ilabi nga kauban sila sa usa ka dance segment sa SOP matag Domingo, pabilin nga nagtamod si Marky sa nahauna, nga giisip niya nga idolo isip labing una nga Starstruck Male Survivor. "Mark Herras Dance Party" gikan sa Universal Records ang title sa album ni Mark.