Janus ug Carla buwag na

Buwag na sila si Carla Humpries ug Janus del Prado, kini maoy gitino mismo sa dalagita sa dihang nahinabi sa PangMasa didto sa abs-cbn compound niadtong milabay nga adlaw.

Apan nagdumili si Carla pagbutyag sa hinungdan sa ilang panagbuwag. Hinoon kon kahinumduman sa balita sa Banat Hugyaw niadtong Abril una nang namahayag si Carla nga dili pa siya andam nga makig-relasyon apan gaan ang iyang buot ngadto ni Janus nga maoy iyang ka loveteam sa bag-o pa lang nahuman nga Bituing Walang Ningning sa ABS-CBN.

Si Carla, 17-years old lang samtang si Janus, 22-years old, hinungdan nga namahayag ang dalagita nga bata pa siya aron mag-uyab-uyab ug mas maayo nga ipunting una niya ang iyang atensyon sa nagkanindot na niya nga career.

Mestiza si Carla sanglit French ang iyang amahan ug sa iyang pangidaron 5'8 na ang iyang gitas-on hinungdan nga daghan ang nagtukmod niya aron mosalmot sa Bb. Pilipinas apan pong pa niya sa Banat Hugyaw kaniadto, mauwaw siya nga mag-swimsuit.

Bag-ohay lang nga migawas si Carla isip supporting cast sa First Day High movie nila ni Maja Salvador, Kim Chiu, Jason Abalos, Gerald Anderson ug Geoff Eigenmann. Arnold bag-ong manager ni Osang

Ang manager ni Pops Fernandez nga si Arnold Vegafria maoy giilogan karon sa mga sakop sa entertainment press nga buot masayod sa iyang tubag kalabot sa balita nga siya na ang bag-ong manager ni Rossana Roces.

"As an actress, she has a lot more to give," pag-abli ni Arnold sa interview sa PangMasa. "Mahusay siyang umarte and no one can take away this talent from her." Giangkon ni Arnold nga nag-istorya na sila ni Osang apan wala pay konkretong kasabutan tali nilang duha tungod kay kinahanglan pa niya nga mokonsulta sa PAMI (asosasyon sa mga talent managers).

"Kahit sinong manager naman ay hindi siya tatanggihan. Kaya lang pag-uusapan pa namin sa PAMI ang bagay na ito. And I have to abide to whatever decision our group will make."

Gumikan niini gipaabot nga hapit na mahinayon ang talent-manager relationship nila ni Arnold ug Osang kon mauhon nga ang desisyon sa PAMI na lamang ang gipaabot.