Heart supak sa pre-marital sex

Bisan og sigurado na si Heart Evangelista sa gugma ni Jericho Rosales wala pa silay plano nga magpakasal gumikan kay daghan pa og responsibilidad ang naulahi.

"We have to be both stable first before we settle down, although the thought is there," pagtin-aw pa ni Heart atol sa presscon nga gipatawag sa Manila Genesis ning bag-o lang.

Dugang tsika sa PangMasa nga lig-on usab ang baruganan ni Heart batok sa pre-marital sex. "I don't believe in it. I believe we would get blessings if we got married first."

Tinuod walay mga proyekto nga gilinya ang ABS-CBN alang kaniya sa pagkakaron dili sama kaniadto nga nagsunod-sunod ang iyang mga shows apan wala siya'y reklamo ug gani matud pa niya giganahan siya sa maong sitwasyon tungod kay mas daghan siya og panahon sa iyang kaugalingon.

Sa pagkakaron mikuha og review classes si Heart sa Messiah Foundation isip pangandam sa kolehiyo. Iyang gihinumduman usab nga sa nakalabay nga pito ka tuig labihan niya ka busy. "I was so immersed in work. It was so draining. Now I'm at peace with myself and living a good life. I like it this way."

Padayon gihapon siya isip video jock sa MYX ug segment host sa Philippine Idol sa ABC-5. Nasayran nga gi-renew usab niya ang iyang commercial contracts ug sa dili madugay sugdan na og record ang iyang album ubos sa usa ka Australian recording company, Gromic.

Malaumon si Heart nga sa dili pa mahuman ang 2006 ma-release na ang maong album nga nagtangag og mga original composition.

Gikatakda usab nga mohimo og pelikula si Heart kauban si Dennis Trillo. Gibutyag niya nga apil unta siya sa cast sa 'Huwag kang Lilingon" apan mibalibad siya kay dili siya mohimo og horror movies.

Bag-o lang gilusad usab ni Heart ang The Heart Can, a fundraiser alang sa mga pobre nga bata nga mga hubakon sama niya.

Maglipon dili pasagdan sa Yes

Gitin-aw ni Ms. Lisa Gokongwei ngadto sa entertainment editor sa PangMasa, Salve Asis ang issue nga nanggawas kalabot ni YES! Editor-in chief Jo-Ann Maglipon.

Nasayran nga dunay mga nanggawas nga grabeng naapektuhan ang Summit Publishing nga gipanag-iya sa pamilya Gokongwei tungod sa kaso nga giatubang karon ni Maglipon batok ni Claudine Barreto.

Apan ang pamahayag nga nadawat ni Salve nagkanayon: "Jo Ann Maglipon is a very important member of Summit Media and a close personal friend of the Gokongwei family.

She will never be a burden to us. YES! is the third most read-local magazine in the Philippines today according to the Synovate Media Atlas Study, and Summit's second most profitable because it is a fantastic editorial product. We are proud of Jo-Ann and her team and will support her without any second thought any day."

Kapamilya 'pasok" sa ATA

Tulo ka News and Current Affairs Programs sa ABS-CBN ang nalakip sa mga nominado sa prestihiyosong Asian Television Awards 2006.

Kini mao ang TV Patrol World, The Correspondents ug XXX: eXplosibong, eXklusibong eXposé nga napili gikan sa 1,400 entries nga naggikan sa 15 ka mga nasud sa Asia.

Ang entry sa The Correspondents' nga "Juvenile Injustice" nga nagpakita sa kalisdanan nga nahiaguman sa mga batang priso sa mga prisohan sa Manila ang nataypan sa judges.

Ang "The Correspondents" nasulod sa Best Current Affairs Programme category ingon man usab ang XXX: eXplosibong, eXklusibong eXposé.

Ang mga mananaug ipahibawo karong November 30 didto sa Singapore.