Mga direktor, under pressure

Dunay pressure alang kang direk Quark Henares ang nagsingabot nga showing sa twinbill movie nga "Huwag Kang Lilingon" sa Star Cinema. Tsika sa PangMasa nga worried siya tungod kay labihan ka malampuson sa gisundan niini nga horror/suspense movie ubos sa maong outift ,"Sukob" nila ni Kris Aquino ug Claudine Barretto nga murag lisud matupngan.

Gani matud ni direk Quark nga makausa dihang nagkasugat sila ni direk Chito Rono iya kining gikomedyahan nga ang naulahi maoy angayan basulon sa tanan tungod sa kalampusan sa Sukob.

Matud niya nga igo lamang mikatawa si direk Chito kay matud niya, friends man silang duruha ug kanunay sila nga magkinomedyahay.

Ang "Uyayi" nga gilangkuban nila ni Marvin Agustin ug Anne Curtis ang ubos sa direksyon ni Quark. Samtang ang usa pa ka episode titled "Salamin" maoy kang direk Jerry Sineneng diin sila usab si Kristine Hermosa, Cherry Pie Picache ug Baron Geisler ang cast.

Diamond star producer na

Gisuwayan na usab ni Maricel Soriano ang pag-produce og pelikula tungod kay siya ug ang iyang manager nga si Wyngard Tracy ang Executive Producers sa "Inang Yaya" nga ubos sa Unicom Entertainment ug i-release unya pinaagi sa Unitel Picture Productions ni Tony Gloria.

Nakakita na ang PangMasa sa nahisgutang pelikula diin matud pa sigurado nga daygon gyud si Maricel niini gumikan kay maayo ang iyang acting nga gipakita ug makapahinuklog usab ang istorya nga may kalabotan sa mga inahan ug sa mga yaya nga matinud-anon sa ilang trabaho.

"Ang oras ay nahahati, ang puso, hindi," dinhi niining maong linya maglibot ang tibuok istorya sa pelikula diin apil usab sila si Sunshine Cruz, Zoren Legaspi, Liza Lorena, Marita Zobel ug ang duha ka mga bata nga maoy nagdala sa papel isip mga anak ni Maricel, si Tala Santos ug ang iyang binatonan nga si Erika Oreta.