Christian freelancer

Enjoy karon ang kinabuhi ni Christian Bautista isip usa ka freelancer. Bisan pa man og makita siya sa ASAP'06, wala siyay exclusive contract sa Star Magic alang niini.

Gumikan niini mahimo siyang mo-guest sa mga programa sa GMA-7, gani suki na siya sa "Unang Hirit", ug mi-guest na usab siya sa "Eat Bulaga" ug sa ubang programa sa Siete.

"At least, pwede ako sa dalawang network at mas okay na sa akin itong ganito", matud pa ni Christian

Dili pa lang dugay mipirma si Christian og usa ka multi-picture contract ubos sa Regal Films, ug ang unang movie niya mao ang "Mano Po 5:Gua Ai Di" nga kauban si Angel Locsin ug si Richard Gutierrez.

Way network war sa Star Awards

Tulo ka artista sa GMA-7 ang gipahuwaman para mag-host sa PMPC ang Star Awards for TV ug sila mao si Joey Marquez, Jean Garcia ug Ogie Alcasid.

Matud pa maayong senyalis kini tungod kay nagpasabot kini nga maayo na diay ang relasyon tali sa miyembro ug opisyal sa Kapuso Network.

Tulo usab ka mga artista ang makauban sa tulo nga gikan usab sa ABS-CBN 2 ug sila mao si Boy Abunda, Toni Gonzaga ug Tintin Bersola-Babao.

Sa nasagap nga balita sa PangMasa mi-back out diay si Edu Manzano isip host tungod kay naa kini lain nga commitment ngadto sa laing nasud.

Ang namatay nga si Eddie Mercado ang napili nga mahimong recipient sa Ading Fernando Lifetime Achievement Award ug si Harry Gasser makadawat og Excellence in Broadcasting Award.

Ang 20th Star Awards for TV mahitabo karong umaabot Oktubre 23 ngadto sa UP Theater ug makita kini sa Channel 9.