Panit ni Pops nahilos

Sakit nga lisod, mao kini ang paghulagway ni Pops Fernandez sa iyang role sa "Zsa Zsa Zaturnnah" isip usa ka kontrabida kay grabe ang mga fight and flying scenes niya dinhi.

Gani sa usa ka eksena, natang-tang ang panit sa iyang likod tungod sa harness nga gihigot kaniya,

"Kasi 'yung scene na 'yun, ang tagal-tagal naming ni-rehearse at kinunan. So medyo matagal na nakakabit sa akin 'yung harness kaya nung tanggalin siya, sumama talaga 'yung balat ko," saysay pa niya sa PangMasa.

Apan sa dihang iyang nakit-an ang rushes, nakaingon siya nga sulit ang mga kalisod nga iyang naagian.

Gibutyag usab ni Pops nga dako og natabang kaniya ang iyang anak nga si Ram sa pag-deliver sa iyang linya with British accent. Matud pa niya ang tanan nga mga accent kahibalo si Ram, maong una siya moadto sa set, ipabasa una niya sa iyang anak ang script dayong patudlo sa sakto nga accent.

"Pero nagta-Tagalog din naman ako dito. Kasi du'n sa play, di ba, British lahat, eh sa movie naman, Tagalog tapos may British din," sulti pa niya.

Frank ug Sunshine, friends

Giklaro ni Frank Garcia nga dili si Sunshine Dizon ang hinungdan nganong mibalhin siya gikan sa GMA-7 ngadto's ABS-CBN.

Nasayran nang daan nga magkarelasyon sila si Sunshine ug Frank ug niadtong higayuna pareho sila nga naa sa usa ka network. Sa dihang nag-break ang duroha kalit lang nahilom ang aktor hangtod nga nasayran nga mibalhin na kini sa pikas nga estasyon.

"Hindi naman ganu'n. no, Siyempre, sa simula ng break-up, masakit din, dahil matagal ang pinagsamahan namin. One year and half din 'yung relationship namin. Pero talagang ganu'n, siguro we're not meant to be," pagtin-aw ni Frank ngadto sa PangMasa.

Aduna gihapoy communication ni Sunshine sa pagkakaron ug friends gihapon sila. In fact, nasayod siya nga aduna na kini'y special someone apan nagdumili si Frank paghatag og dugang detalye.

"Love Spell (Home Switch Home)" ang first project ni Frank sa ABS-CBN kauban nila ni Maja Salvador, John Wayne Sace, Jason Abalos, Angelica Pangilinan ug Jake Cuenca.

Anne ug Sam na-develop?

Hataw karon ang tsika nga na-develop na sa usag usa sila si Sam Milby ug Anne Curtis tungod sa ilang mga eksena sa Maging Sino ka Man.

Kon ugaling tinood ang maong taho pong pa sa mga himantayon nga haom ra usab sila sa usag usa sanglit pareho sila nga dunay foreign blood- si Anne Australyano ang amahan ug si Sam American ang daddy.

Pareho pa gyud silang duha nga hapit na mubalhin sa bag-o nilang balay. Ang kang Anne sa Paranaque. Ang kang Sam sa Pasig City.

Apan, bisan og gisiguro ni Sam nga anhi siya mag-pasko sa nasud, mulupad usab si Anne karon December sa Australia para mutambong sa graduation sa iyang sister, ug ikaduha aron makauban usab niya iyang pamilya higayon sa Pasko. Mag-kuyog sila sa iyang amahan nga ania sa Pilipinas uban kaniya. Ang iyang inahan ug ang iyang duha ka igsuon atua sa Australia.