Inahan ni Joross ang problema

Wala pa diay mahuman ang problema tali sa kampo ni Joross Gamboa ug sa iyang kanhi manager nga si Jun Reyes nga mao usab karon ang naggunit ni Gerald Anderson.

Ang tsika sa beteranang kolumnista sa PangMasa, Manay Cristy Fermin mao nga wala ni Joross ang problema kondili anaa sa iyang inahan nga si Monette ug matud pa nga gipaabot nga mas moulbo pa ang mas bug-at nga suliran unya.

Pong pa ni Manay Cristy mao nga salapi ang hinungdan sa tanan. Nasayran nga dunay komisyon nga gikuha si Jun gikan sa mga trabaho nga iyang nahatag kang Joross sa wala pa sila magbuwag og dalan.

Apan karon matud pa gilisud lisud si Jun sa inahan ni Joross diin inay ihatag ang komisyon ni Jun isip manager siya pa ang gisukot sa inahan sa young star kay matud pa duna siyay bayranan nga tunga sa milyon.

"Saan naman kaya pinagkukuha ng ina ni Joross ang mga pinagtagpi-tagpi nitong halaga para umabot nang kalahating milyon para pabayaran kay Jun Reyes? Sa totoo lang, sa maraming beses naming kinukuha ang serbisyo ni Joross para sa aming mga kaibigan ay ni hindi nga nagtuturing si Jun, ang budget ng kumukuha kay Joross ang kanyang tinatanong kung magkano at yun na lang ang kanyang tinatanggap," pagpa-ambit ni Manay Cristy.

Suma pa niya makamao nga makighugoy-hugoy si Jun diin mas importante alang niini ang " pinagsamahan" kaysa kantidad sa salapi nga iyang makuha.

Miingon si Manay nga makamao usab nga motan-aw og utang kabubut-on sa mga sakop sa press nga nakatabang ni Joross tungod kay dili lamang siya manager kondili pr man usab sa iyang mga talents.

Ang sinugdanan

Tulo na ka tuig ang milabay human nagkaila sila si Joross ug Jun didto sa usa ka bar sa Libis diin kauban sa naulahi si Katrina Halili nga kanhi usab niya talent. That time kuyog si Joross sa usa ka grupo diin dunay kaila si Jun. Gigwapuhan si Jun kang Joross hinungdan nga gipangutana niya kini kon ganahan ba nga mag-artista. Ang resulta nasulod si Joross sa Star Circle Quest sa ABS-CBN.

"Nabigyan ng magagandang oportunidad si Joross sa ABS-CBN, sa mga pagkakataong yun ay si Jun lang naman ang nakita naming kumikilos para kay Joross.

Halos maglumuhod na si Jun sa kanyang mga kasamahang manunulat noon para lang hindi maipit ang kanyang alaga sa mga isyu ng pambabaeng ibinabato dito,"asoy ni Manay Cristy.

Matud ni Manay Cristy nga tungod sa ka maayong tawo ni Jun daghan sa mga reporters ang wala nalang pit-a pa sa isyu si Joross. "Bakit si Jun pa ngayon ang kailangang magbayad nang kalahating milyong piso sa pamilya ni Joross sa halip na makuha niya ang naiwanan niyang komisyon, ano ang basehan ng halagang yun, isang malaking kalokohan ang isyung ito," komento pa ni Manay Cristy.

Alaot si Joross

Nasayran nga gitangtang ni Monette si Jun isip manager ni Joross tungod kay matud pa dili na kini epektibo karon nga anaa na usab sa poder niini si Gerald Anderson.

Matud ni Manay Cristy dili sala ni Jun kon ang ganahan nga imbitahon sa mga promoters mao si Gerald Anderson sanglit mao kini bag-o ug gikagubtan karon.

Tungod sa maong sitwasyon daghan ang naluoy ni Joross tungod kay sigurado nga siya maoy mapiit sa sitwasyon. Matud sa mga himantayon "saying" buotan pa raba unta ang young star nga lakip ang iyang manager walay dautan nga masulti batok niya.