Kristine ug Anne, mga horror princess

Dunay umaabot nga pelikula sila si Kristine Hermosa ug Anne Curtis alang sa Star Cinema. Kini ang giulohan og 'Huwag kang Lilingon" diin silang duha ang bida sanglit duha kini ka episodes ug duha usab ang directors.

Sa episode nga "Uyay" usa ka nurse si Anne diin sunod sunod nga mamatay ang mga pasyente ug sa tabang sa iyang boyfriend nga pagadad-on ni Marvin Agustin madiskubrehan niya ang kamatuoran nga makapahadlok ug makapakugang niya og maayo.

Samtang "Salamin" ang title sa episode ni Kristine. Horror- suspense ang maong pelikula diin sila si direk Jerry Lopez Sineneng ug direk Quark Henares ang mga directors.

"Till I Met You" padayong gihugopan

Gipaabot sa GMA Films nga mo-gross og P100 million ang pelikulang "Till I Met You" nila ni Robin Padilla ug Regine Velasquez nga miabli sa mga sinehan lukop nasud niadtong nakalabay nga semana.

So far, gipahibawo sa Viva Entertainment nga sa opening day mikita sa Metro Manila og P6.4 million without padding ang maong pelikula ug misaka kini ngadto sa P12 million niadtong Domingo. As of Sunday usab P40 million na ang nahipos sa maong pelikula gikan sa 100 theaters nga misalida niini nationwide.

Hinungdan nga nag-thank you party na ang Viva Films ug GMA niadtong Lunes sa gabii tungod sa maong kalampusan diin miabot nga magka-holding hands sila si Regine ug Robin.

Nasayran sa PangMasa nga nangluod si Regine kang Robin tungod kay wala kini mutunga sa last promo day nila niadtong Domingo. Bisan og gikapoy siya ug wala nay tingog tungod sa iyang concert milugwa gihapon si Regine didto sa SM San Lazaro aron mag-promote ug magpasalamat.

Gipasaylo ra hinuon niya si Robin human kini mipasabot nga namatay ang usa ka uyuan sa naulahi hinungdan nga no-show siya niadtong Domingo.

Rochelle, Insik ang suitor

Na-corner si Rochelle Pangilinan sa PangMasa ug napugos gayud kini pag-angkon nga usa ka businessman nga half-Chinese ug half-Spanish ang iyang constant date karon.

Ulitawo ang maong businessman ug gikan sa Norte matud pa ni Rochelle. Apan sa dihang gipangutana unsay business sa maong lalaki miiingon si Rochelle nga wala pa niya masinati kaayo ang maong lalaki.

Mihangyo usab siya nga dili lang una tukion og maayo ang maong nangulitawo niya tungod kay mahadlok siya nga makasab-an sa iyang manager nga si Joy Cancio sanglit dili kini musugot nga mag-uyab-uyab siya kay maapektuhan man ang trabaho ug dali ra usab siya nga masakitan.

Jasmine wa mo-click sa America?

Giintriga nga wala nay mga projects si Jasmine Trias sa America hinungdan nga kanunay kining magbalik-balik dinhi sa nasud sanglit dinhi lang nagmalambuon ang iyang singing career.

Laing hinungdan matud pa mao nga super inlove si Jasmine kang Kris Lawrence nga dinhi niya nakaila ug maoy naghatag kaniya og inspirasyon.

Ang espesyal nga relasyon nila ni Jasmine ug Kris namugna dihang nagkauban sila sa usa ka show didto sa Japan months ago.

No comment pls...

Kagahapon ang unang hearing sa piskaliya sa kasong gipasaka sa kanhi ka-live-in ni Jeremiah Rosales nga si Ethel Gonowon didto sa San Mateo, Rizal.

Nasayran sa PangMasa nga kauban ni Jeremiah ang iyang pamilya lakip na ang iyang kuya nga si Jericho apan wala kini mokanaug sa sakyanan.

No comment gihapon ang pamilya Rosales ug perteng likay-likay ni Jeremiah sa mga sakop sa media nga nagpaabot niya. Gani ang tinubdan sa PangMasa namahayag nga nagdagan pabalik sa ilang sakyanan ni Jeremiah human sa hearing.

Nasayran usab sa PangMasa nga dunay counter charges nga ipasaka ang mga Rosales batok ni Ethel ug ipasaka kini karong Oct. 25.