Hapon nga model gisuwerte

Nagbunga na sa katapusan ang taud-taud na usab nga pag-stay dinhi sa Pilipinas sa Japanese model-actor nga si Tomoyuki Tai kay gikuha man siya isip leading man ni Rochelle Pangilinan sa bag-ong season sa "Daisy Siete" nga adunay titulong "Moshi-Moshi Chikiyaki".

Authentic nga Japanese actor ang gipangita sa mga taga-Focus E. para sa 13th season sa nagpabiling top rating nga "Daisy Siete". Maong sakto gyud kaayo nga nakit-an nila si Tomoyuki Tai nga usa sa mga talents ni Ms. Geelen Eugenio.

Nagbalik-balik na si Tai dinhi sa Pilipinas kay ganahan siya sa mga beach dinhi busa makasabot ug makasulti na usab siya og tinagalog.



Samtang wala maglisod si Tita Geleen sa pagpangita og trabaho para kang Tai. Usa si Tai sa mga mirampa nga naka-underwear sa miaging Beach fashion show sa Araneta Coliseum ug aduna kini nabuhat nga music video kauban si Aryana para sa debut album sa naulahi ubos sa "Universal Records".

Ang Daisy Siete Season 13 ang unang acting job ni Tai dinhi sa Pilipinas. Sa Japan milugwa na siya sa ubay-ubay na usab nga mga TV show, commercials ug theater productions.

Mga taga Posh nagubot

Mihungaw na ang balita nga dili maayo ang pagtinagdanay karon sa pipila ka mga young stars nga apil sa "Posh" sa QTV 11.

Nasayran sa PangMasa nga ang nalambigit sa maong kagubot mao sila si Iwa Moto, Nikki Bacolod ug PJ Valerio. Matud pa sa source sa PangMasa, dugay na nga wala magkasinabot sila si Nikki ug PJ bisan sila ang magka-loveteam sa Posh.

Reklamo ni PJ kaniadto pa nga lisod gyud ika-uban si Nikki. Gani dili kini magpakupot sa iyang kamot o magpa-agbay sa mga eksena nila sa Posh.

"Paano nga naman mae-establish ang loveteam nila kung ayaw ni Nikki dito kay PJ, 'di ba ?" hirit sa source. "Kaya itong si PJ, nagsawa na gumawa ng paraan na maging close sila ni Nikki. Kaya't kay Iwa nabaling ang kanyang paningin."

Tuod man sa set sa Posh daghan ang nakabantay sa closeness nila ni Iwa ug PJ. Gani adunay mga higayon nga ang duroha lamang ang mag-isturya sa usa ka lugar kung break time. Aminado usab si PJ nga labing close niya sa Posh si Iwa kay wala man kini kaarte-arte sa iyang lawas.

Samtang karon, matud pa wala na gitagad ni Nikki si Iwa tungod sa subra niini ka close kang PJ. Pwes si Iwa nahibulong nganong nasuko si Nikki kaniya nga para niya barkada ra si PJ tungod kay duna na siyay uyab nga si Yexel Sebastian.