Pagpanalipod sa korona

Laing natad sa kaanyag na usab ang ipasundayag karong tuiga gikan sa nahuman nga "Miss Universe" ug "Miss World," mosunod ang ika-upat nga labing nindot ug prestihiyosong indigay sa tibuok kalibutan, ang "Miss International 2005 beauty pageant" nga ipahigayon karong Nobiyembre 11 didto sa Tokyo, Japan.

Kalim-an ug unom (56) ka maanyag nga mga kandidata sa tibuok kalibutan ang magtigi ug mag-ilog sa korona sa maong kompetisyon. Si Binibining Pilipinas-International Denille Lou Valmonte, ang atong representante makig-tigi batok sa mga kandidata sa tibuok kalibutan ug gani migikan na siya niadtong Oktubre 12 sa gipahigayong send-off party didto sa Bb. Pilipinas compound. Siya maoy 'successor' ni reigning Miss International 2005 Precious Lara Quigaman nga maoy mo-turn over o mohatag sa korona kung kinsay mamahimong bag-ong Miss International 2006 karong Nobiyembre 11.

Si Denille Lou nagpangedaron og 24 anyos, tubong Quezon City, may gitas-on nga 5'6 1/2, mitimbang og 100 lbs. ug nagbaton sa vital statistics nga 34-22-34. Mi-gradwar siya sa kursong Hotel and Restaurant Management gikan sa Polytechnic University of the Philippines , usa siya ka negosyante ug naa siyay kaugalingong negosyong "food catering".

Ang 'Miss International organizer' mipahigayon na sa unang adlaw nilang pagpasundayag sa mga kandidata pinaagi sa pag-rampa ug pagsul-ob og 'swimwear' atubangan sa mga 'press' ug mga dumuduong sa maong kompetisyon alang sa pagpili kinsay mamahimong labing -maanyag sa tanang mga kandidata sa tibuok kalibutan o 'Miss Photogenic'. Ang nahimong Miss International 2006 - Miss Photogenic mao ang delegada gikan sa Thailand. Si Miss Thailand ang unang kandidata nga nakadawat og 'special award' sa 'Miss International beauty pageant'. Sa umaabot nga mga adlaw, mopahigayon sila og 'parade of the nation' nga langkoban sa mga kandidata sa tibuok kalibutan nga magsul-ob og lain-laing nindot nilang national costumes.

Ang 'Miss International beauty pageant' nagsugod niadtong tuig 1960 nga gipahigayon didto sa Long Beach California, USA. Ang pirmerong nahimong Miss International mao si Stella Marquez Araneta sa nasud sa Colombia. Si Miss Araneta, ang chairwoman sa Binibining Pilipinas Charities Incorporated karon. Upat ka maanyag nga Pilipina ang nahimong Miss International nga sila si Gemma Guererro Cruz sa 1964, Aurora McKenny Pijuan (1970), Melanie Marquez (1979) ug ang reigning Miss International nga si Precious Lara Quigaman (2005).

Ang mga Binibining Pilipinas International nga nakadawat og pasidungog sa Miss International pageant mao sila si Editha Ressureccion Vital, semi-finalist (1960); Monina Medenilla Yllana, semi-finalist (1963); Gemma Guererro Cruz, Miss International (1964); Nenita Tuazon Ramos, semi-finalist (1968); Margaret Rose Montinola, (1969); Aurora McKenny Pijuan, Miss International (1970); Evelyn Santos Camus, 2nd Runner Up (1971); Yolanda Adriatico Dominguez, 2nd Runner Up (1972); Maria Elena Suarez Ojeda, 4th runner Up (1973); Jay Anthony Murphy, semi-finalist (1975); Maria Dolores Ascalon, semi-finalist ug Best in National Costume (1976); Melanie Marquez, Miss International ug Best in National costume (1979); Dianne Jeanne Chiong, semi-finalist (1980); Alice Fernandez Sacasas, semi-finalist (1981); Jessie Alice Celones Dixon, semi-finalist (1986); Maria Patricia Bettita, semi-finalist (1991); Alma Carvajal Concepcion, semi-finalist ug Miss Friendship (1994); Gladys Andre Duenas, semi-finalist (1995); Yedda Marie Mendoza Kittelsvedt, semi-finalist (1996); Susan Jane Retter, semi-finalist (1997); Collette Centeno Glazer, semi-finalist (1998); Margaret Ann Bayot, semi-finalist (2004); ug si Precious Lara Quigaman, Miss International (2005).