Sharon dili molansar

Subling giklaro ni Megastar Sharon Cuneta nga dili siya magpapili isip Mayor sa Pasay City ug labaw na nga dili siya molansar sa umaabot nga piniliay sunod tuig, base sa iyang gi-text ngadto sa PangMasa kagahapon.

Matud ni Sharon no-no niya ang politics tungod kay priorities niya ang iyang career, iyang pamilya ug ang studies karon sa UP Open University diin nahinayon na gyud siya og take og exams last Monday, October 9, bisan pa man og naglipong-lipong pa siya gikan sa iyang unang concert sa Zamboanga City.

Nasayran nga September 30 pa unta ang maong exams apan tungod kay walay electrisidad gumikan sa bagyong Milenyo wala kini mahinayon.

Rachelle ug Mark, nakit-an didto sa GMA

Daghan ang naintriga nganong nasigpatan didto sa compound sa GMA-7 sila si Mark Bautista ug Rachelle Ann Go nga nag-taping alang sa "Bongga Ka Star" sa QTV 11.

Ang pangutana sa kadaghanan mao nga mobalhin na ba ang duruha sa nahisgutan nga network. Apan ang explanation mao nga mahimo ra silang duruha nga mo-guest sa shows sa Kapuso basta dili lamang kumpetinsya sa "ASAP O6" diin sila mga regular hosts.

Kini tungod kay dili talents sa Star Magic ang duruha kondili ubos sila sa pagduma sa Viva Artists Center nga dunay tie-up sa GMA- network.

Vhong mangharos sa takilya

Kasamtangang atua sa Pusan, Korea si direk Joyce Bernal to attend the Pusan Filmfest. Usa siya ka semana didto apan walay kabalak an tungod kay humana ang shooting sa pelikulang X-44, starring Vhong Navarro in the title role under Star Cinema.

Karon pa lang gipaabot nga successful na usab sa box -office ang maong project sama sa kalampusan ni Vhong sa pelikulang D 'Anothers.

Kahinumduman nga ang maong pelikula gipasundayag didto sa Italy ug nagustuhan sa mga jurors.