Julia balik showbiz una

Dili pa diay legal ang kasal ni Julia Clarete tungod kay wala pa silay marriage license sa lalake nga iyang nabana. Kini maoy tsika ni Manay Lolit Solis, beteranang kolumnista sa PangMasa.

"Bakit nga ba nagmamadali ang dalawa sa pagpapakasal?May maghahabol ba kay Julia o sa kanyang mister? Ang pagbubuntis ni Julia ang tanging naiisip ko sa rush wedding na naganap noong nakaraang Linggo sa La Union," pag-analyze ni Manay Lolit.

Pwes matud pa niya nga kon dili diay balido ang kasal nila ni Julia gumikan kay kuwangan ang mga dokumento, buot pasabot nausik lang ang ilang kahago ug pagpangandam.

Samtang kagahapon mibalik na si Julia sa Eat Bulaga ug dungan niini iyang gitin-aw ang mga nanggawas nga taho nga total goodbye na siya sa showbiz.

Matud ni Julia nga magpabilin una siya sa showbiz hangtud nga dili pa sila makalarga sa Amerika sa iyang bana nga ginganlan og Stephen Uy kinsa usa ka American Citizen.

Si Julia usa ka buwan na nga mabdos.

"Tapatan na!"

Lanog pas dugdog ang tsika karon didto sa GMA-7 compound sa Quezon City nga gukdon na sa Magpakailanman ang Maala-ala Mo Kaya sa ABS-CBN.

Yes Tita Charo Santos Concio kay ang latest tsika nga nasagap sa PangMasa laraw karon sa GMA nga ibalhin ang show ni Tita Mel Tiangco ngadto na sa Friday nights, as in direktamenteng I-atbang sa MMK. Gawas pa nga mobalhin og adlaw ang Magpakailanman, himoon na lamang nga usa ka oras ang maong show sa higayon nga sungagon na niini og balik ang MMK.

"Umiwas na nga ang Maalaala Mo Kaya, sinundan pa ng Magpakailanman? Abangan na lang natin ang nalalapit at muling pagtatapat ng dating magkaribal na programa," hirit ni Manay Lolit Solis.

Showdown sa takilya

Duha ka horror movie ang magtigi sa takilya karong October 18- ang Barang ni Julia Palermo ug ang TXT nila ni Angel Locsin, Oyo Boy Sotto ug Dennis Trillo.

Ang Regal Entertainment ang producer sa TXT samtang si Governor Chavit Singson usab ang naggasto sa Barang. Apan na-curious ang beauty ni Manay Lolit tungod kay never siya nga nakadungog nga nagpa-presscon si Chavit alang sa iyang pelikula.

"Hindi ko nabalitaan na nagpatawag ng presscon ang produ ng Barang bago ito ipalabas sa darating na Miyerkules.Basta ang alam ko, may premiere night ang Barang sa Lunes.

Kulang na kulang sa promo at publicity ang Barang.Bakit kaya? Hindi na ba excited si Papa Chavit na tulungan ang movie industry?"

Lesbian scene tsugi

Gitangtang sa MTRCB ang lesbian love scene sa Kaleldo nila ni Cherry Pie Picache ug Criselda Volks. Matud ni Manay Lolit Solis gipamub-an sa MTRCB ang maong eksena tungod kay, "ang eksena na hinahalikan na parang sinasamba ni Cherry Pie ang paa ni Criselda."

Matud ni Manay Lolit no choice ang producer kon di mosugot kaysa sagpaon og X Rating ang iyang project.

"Marami nang reporter ang nakapanood sa Kaleldo at ang sey nila, maganda ang pelikula na unang ipalalabas sa Rome International Film Festival."